Британците сѐ помасовно бараат германски пасоши пред брегзитот

Во периодот по референдумот за брегзитот, одржан во јуни 2016, бројот на британски државјани кои побарале германски пасош нагло се зголемил, соопшти Сојузната агенција за статистика во Визбаден.

„Во 2017 7.500 британски државјани се впишани во германската книга на државјанства, што е пораст од 162 отсто во споредба со 2016 кога исто така забележавме пораст особено по јуни“, се вели во соопштението на германската статистичка агенција.

Сепак, најголем дел од овие барања се на државјани на Велика Британија кои веќе со години живеат во Германија.

Еден дел, меѓутоа, отпаѓа и на британските државјани со еврејско потекло чии претци некогаш биле германски државјани, а кои во екот на нацистичкиот режим биле присилени да избегаат од Германија. Тие имаат автоматско право на германско државјанство.

Останатите британски државјани мора да исполнат некои услови, како осумгодишен престој во Германија, познавање на германскиот јазик и доказ дека се во состојба сами да се издржуваат. Сѐ додека Британија е во Европската Унија Британците не мора при барањето на германско државјанство да се откажат од своето британско државјанство, што важи за сите граѓани на земјите од ЕУ.

Истовремено пораснал и бројот на германски државјани со престој во Британија кои по референдумот за брегзит побарале и британско државјанство.

Во 2017 година 2.636 германски државјани добиле британски пасош, што е 165 отсто повеќе од претходната година.

Неопходно е да се допрецизира законот со што би се овозможило одреден дел од финансиски средства да се пренасочат кон делот на општествена одговорност на приредувачите на игри на среќа со цел подобрување на спортската инфраструктура.

повеќе

Тоталното разочарување од сите мејнстрим политички елити, вклучувајќи ги и зелените, континуирано води кон отуѓување на граѓаните, за што доказ е се помасовното бојкотирање на изборните процеси.

повеќе

Помина времето кога политиката беше „шаховска борба“ на политичките актери, која неретко се одвиваше далеку од очите на јавноста и беше доста неразбирлива за обичниот гласач. 

повеќе