Бретон по победата на конзервативците и Џонсон

Брисел сака да ги обнови односите со Лондон

Новиот европски комесар за единствен пазар, Тиери Бретон, денеска изјави дека Брисел сака да ги „обнови“ односите со Лондон, особено во трговијата, по победата на Борис Џонсон на предвремените парламентарни избори во Велика Британија, по кои брегзитот би требало да се оствари до 31 јануари.

„Сега треба да ги обновиме односите со Велика Британија, која е важен партнер“, рече Бретон во Брисел, изразувајќи желба да се воспостават избалансирани трговски односи со Лондон.

Бретон очекува Европскиот совет денес на состанокот во Брисел да го обнови мандатот на преговарачот Мишел Барние, кој веќе преговараше со Лондон за договорот за брегзитот.

„Трговските односи треба да продолжат. Велика Британија е многу важен партнер за ЕУ и ние сме ѝ првиот трговски партнер на таа земја“, додаде Бретон.

Конзервативната партија на премиерот Борис Џонсон го освои мнозинството на изборите, отворајќи го патот за повлекување на Велика Британија од членството во ЕУ на 31 јануари.

Јавните медиумски сервиси треба да бидат столб на демократските општества и примарен извор на информации за сите граѓани.

повеќе

Отповикот или импичментот на претседателот Доналд Трамп од страна на Претставничкиот дом покажува дека членовите на Конгресот на САД прво се партијци, а потоа Американци.

повеќе

Најпрво, важно е да се напомене дека поседувањето на оф-шор компанија не е нелегално само по себе. Во суштина оф-шор земјите нудат низа поволности како што се исклучително поволни стапки на данок. Всушност, некои од нив имаат нула стапка на данок. 

повеќе