Босански министер тврди дека хрватски разузнавачи вооружуваат исламисти во БиХ

Министерот за безбедност на Босна и Херцеговина Драган Мектиќ изјави вчера дека „хрватски разузнавачи“ биле вклучени во тајна операција чија цел била да се покаже дека во БиХ дејствуваат оружени групи радикални исламисти-салафисти, односно да се оправдаат претходните изјави на хрватската претседателка Колинда Грабар-Китаровиќ за илјадниците исламистички екстремисти во БиХ кои се закана за безбедноста на целиот регион.

„Наназад неколку години документиравме, односно дојдовме до сознанија дека хрватската служба работи на врбување наши државјани. Во тоа се вмешани и хрватскиот конзул во Тузла и одреден број лица кои се обиделе да искомбинираат една разузнавачка операција за вооружување на салафистите тука“, изјави Мектиќ.

Босанскиот министер изјавата ја даде откако порталот Журнал претходно вчера објави заплеткана приказна во која опишува како хрватски разузнавачи под закана наведувале некои државјани на БиХ дека во земјата внесувале оружје, што потоа би било пријавувано во полиција, а таквите приказни требало да послужат како доказ за тврдењата за опасноста од радикалните исламисти.

„Ние тоа го следевме подолг временски период и ја прозревме таа намера. Спречивме таа да се реализира. Тука имаше вклучено и новинари, кои за вршење на тие активности користеле дипломатски возила“, изјави министерот за безбедност на БиХ Мектиќ додавајќи дека целта на разузнавачката операција била „брутално да се дискредитира БиХ“ и да се докажат тврдењата на хрватската претседателка дека БиХ е земја во која има исламистички терористички кампови.

Едно современо демократско општество се разликува од тоталитарното токму по тоа што јавната критика е основно полемичко право и должност на медиумите.

повеќе

Македонските граѓани конечно го гледаат крајот на илузијата што им се продава од осамостопјувањето до денес.

повеќе

Министерот за финансии не треба да е кум, баџанак, шура, братучед или самиот тој, бидејќи треба да даде отпор на честите политички, но не и економски барања на членовите на владата.

повеќе