Борисов ќе предложи нова бугарска влада, вели дека нови избори не се решение

Долгогодишниот бугарски премиер Бојко Борисов најави дека ќе предложи коалициска влада откако неговата партија освои најмногу гласови на парламентарните избори во неделата, но додаде дека „веројатно нема да успее“ во тоа.

EPA-EFE

Партијата на Борисов од десниот центар ГЕРБ со освоените 26,2 отсто од гласовите ќе биде најголема партија во парламентот, но без потребното мнозинство бидејќи расте бројот на протестните партии кои го обвинуваат дека не успеал да ја искорени корупцијата.

61-годишниот Борисов е на власт од 2009 година, а за тоа време ги модернизираше руинираните патишта и ги контролираше финансиите.

Истовремено ги отуѓи гласачите и потенцијалните сојузници кои го гледаат како политичар кој ја штити моќта на олигарсите во најсиромашната и најкорумпирана членка на Европската Унија.

„Должни сме на нашите гласачи, поради кои сме први, да предложиме опција. Според коментарите кои ги слушам, тоа веројатно нема да успее“, му кажа Борисов на кабинетот во заминување.

Новата партија на телевизискиот водител и пејач Слави Трифонов е втора на изборите со освоени 17,7 отсто од гласовите, а Трифонов веројатно ќе се обиде да формира влада ако Борисов не успее во тоа.

Борисов вчера кажа дека е спремен да го поддржи Трифонов да формира влада за да се избегнат вонредни избори кои многу би им наштетиле на можностите на Бугарија да ги користи средствата од фондот за опоравување на ЕУ, да се избори со порастот на заразата и да ја придвижи нарушената економија.

„Ако им затреба, спремен сум да имам 10 заменици кои ќе ги поддржат. Стабилна власт е она што ми е важно. Ја сакам својата земја и сакам мирно работење“, кажа Борисов. „Нови избори не се решение“.

Новата понуда на Борисов следи откако две помали протестни партии и социјалистите, кои завршија трети на изборите, ја одбија неговата понуда за формирање експертска влада која би ја водела земјата во пандемијата на коронавирусот до крајот на годината.

Меѓународните набљудувачи на изборите кажаа дека масовното користење на државните ресурси му дало на ГЕРБ на Борисов значителна предност, но партијата и покрај тоа изгуби петина од своите пратеници.

Партијата на Трифонов Има таков народ повеќе пати кажа дека нема да коалицира со ГЕРБ, социјалистите или етничката турска партија МРФ.

Легенда под Главна слика

EPA-EFE

Пристигна барањето од етничкиот албански фактор во политиката за тоа да има промена во химната, знамето и грбот на државата.

повеќе

Доколку најмоќните луѓе во земјата (вклучително и претседателот Милановиќ) не престанат со вербалните напади и притисоци врз новинари и медиуми, се плашам дека Хрватска ќе појде по стапките на Унгарија, Полска и Словенија во однос на (не)слободата на медиумите, што секако не е европски, туку автократски пат.

повеќе

Законот за високо образование јасно и прецизно ја пропишува постапката за избор во наставно-научни и соработнички звања на високообразовните институции во нашата држава-Македонија.

повеќе