Ја започна својата кампања

Борис Џонсон вели дека „не се стреми кон излез без договор“ (ВИДЕО)

Борис Џонсон изјави дека „не се стреми кон излез без договор“, започнувајќи ја својата кампања да ја наследи премиерката Тереза Меј.

Џонсон вели ставајќи ја опцијата без договор на маса е „витално средство за преговарање“, а Велика Британија „мора да оствари подобар од сегашниот договор за излез“, пренесе Би-би-си.

Џонсон вети дека ќе ја изведе Велика Британија надвор од Европската унија на 31 октомври и ја предупреди неговата поделена конзервативна партија дека одложувањето значи пораз.

„Одложувањето значи пораз, одложувањето значи Корбин“, рече тој, велејќи дека Велика Британија мора да ја напушти ЕУ на 31 октомври.

Џонсон, фаворит за иден премиер, речиси три години откако водеше официјална кампања за излез на Британија од ЕУ, ја пофали силата на британската економија, вети дека ќе го спроведе брегзитот на 31 октомври и дека ќе се бори против очајот што е присутен ширум земјата.

„По три години и два пропуштени рока, треба да ја напуштиме ЕУ на 31 октомври“, рече тој.

„Јас не се стремам кон излез без договор“, рече Џонсон.

„Не мислам дека така ќе завршиме, но единствено одговорно е енергично и сериозно да се подготвиме дека нема да има договор“, рече Џонсон.

За многумина, натпреварувањето за премиер е негова загуба - тој е многу популарен меѓу конзервативните пратеници кои на крај ќе изберат наследник на Меј.

Запрашан дали може да му се верува, Џонсон рече дека може.

Запрашан дали некогаш го прекршил законот, зборуваше за пречекорување на ограничената брзина за возење, додека на прашањето дали земал нелегални дроги, го избегна одговорот велејќи дека смета дека повеќето луѓе сакаат тој да биде фокусиран на кампањата.

Канцеларот Филип Хамонд рече дека е „невозможно“ да се излезе дотогаш.

„Парламентот нема да дозволи излез од ЕУ без договор, а нашето досегашно искуство сугерира дека можеби не е толку лесно да се постигне договор во парламентот“.

Министерот за внатрешни работи Сајид Џавид во видео-кампањата објавена во вторникот, рече дека ќе ѝ донесе „нов изглед“ на Конзервативната партија и дека е способен да ја излекува поделбата предизвикана од брегзит.

Шкотскиот конзервативен лидер Рут Дејвидсон за Џавид рече дека е „најдобриот човек за работата“ и „сериозен човек за сериозни времиња“.

Кина му дава на регионот нова надеж додека сонот за ЕУ се распаѓа, вели Политико.

повеќе

Северна Македонија стана кандидат 9 години пред Албанија и нема ништо лошо побрзо и да оди напред.

повеќе

Сега, додека балканскиве политичари ќе шетаат низ духовноста како волови во свила - каде им се врвните интелектуалци што би внеле елеганција во совладување на споровите?

повеќе