Избори во Обединетото Кралство

Борис Џонсон победи со огромно мнозинство, „излегуваме од ЕУ на 31 јануари по секоја цена“

Конзервативната партија на премиерот Борис Џонсон освои огромно мнозинство места во британскиот парламент - одлучувачки исход на изборите во кои доминираше брегзитот. Ова би требало да му овозможи на Џонсон да го оствари својот план следниот месец да ја изнесе Британија од Европската Унија.

Денеска се објавени 642 од 650-те резултати, според кои конзервативците имаат 358 места, а најголемата опозициска Лабуристичка партија 203.

Џонсон рече дека изгледа дека конзервативците имаат „моќен нов мандат за да го завршат брегзитот“.

Со оваа победа Џонсон стана изборно најуспешниот конзервативен лидер од Маргарет Тачер, уште еден политичар што беше и сакан и мразен со скоро еднаква мера. Ова е катастрофа за левичарскиот лабуристички лидер, Џереми Корбин, кој доби повици за оставка, дури и додека сè уште не се знаеја резултатите.

Корбин го нарече резултатот „мошне разочарувачки“ за неговата партија и рече дека тој нема да ги води лабуристите на уште едни избори, но не одговори на повиците да се повлече веднаш.

Резултатот овојпат им донесе најголемо мнозинство на ториевците уште од зенитот на Тачер во 1980-тите и најмал број места за лабуристите уште од 1935 година.

Шкотската национална партија освои скоро 50 од 59-те места на Шкотска, што претставува зголемување од 35-те во 2017 година, резултат што ќе ги охрабри барањата за нов референдум за независност на Шкотска.

Центристичките, про-ЕУ либерални демократи зедоа само десетина места. Нивната лидерка, Џо Свинсон, се повлече откако загуби во својата сопствена шкотска изборна единица.

Џонсон пред изборите рече дека ако конзервативците освојат мнозинство, парламентот ќе мора да го ратификува неговиот договор за брегзитот и Британија ќе излезе од ЕУ до сегашниот краен рок, 31 јануари. Ова го потврди и сега во победничкиот говор, во кој рече дека брегзитот ќе заврши до 31 јануари, „по секоја цена“.

Визија на развиениот свет е државните авторитети да го гледаат спортот како средство за подобар економски и социјален развој.

повеќе

Јавните медиумски сервиси треба да бидат столб на демократските општества и примарен извор на информации за сите граѓани.

повеќе

Отповикот или импичментот на претседателот Доналд Трамп од страна на Претставничкиот дом покажува дека членовите на Конгресот на САД прво се партијци, а потоа Американци.

повеќе