Борис Џонсон им служеше ручек на британските војници во Естонија (ФОТО)

Британскиот премиер Борис Џонсон им служеше празничен ручек на британските војници за време на посетата на мисијата на НАТО во Естонија, јави Би-би-си во саботата.

За време на посетата на воената база близу Талин, Џонсон делејќи оброци им посака Среќен Божиќ.

Околу 850 британски војници стационирани во Естонија се најголемиот британски контингент во Европа.

Велика Британија игра клучна улога во НАТО мисијата на Балтикот.

„Она што го правите е исклучително важно затоа што сите во нашата земја можат да го слават Божиќ во мир и безбедност токму заради тоа што вие го правите овде. Она што го правите покажува дека НАТО делува и дека НАТО е сојуз на кој ние во нашата земја сме му апсолутно приврзани“, рече Џонсон.

Даунинг стрит додаде дека Џонсон се сретнал и со естонскиот премиер Јури Ратас, на кого му се заблагодари за „поддршката и гостопримството, што Естонија го покажа при прифаќањето на британските вооружени сили“.

Велика Британија е една од неколкуте земји на НАТО кои го исполнуваат ветувањето за одвојување 2 проценти од БДП за одбрана.

Пандемијата на коронавирусот која го зафати целиот свет, не само што има огромно влијание врз јавното здравство, општеството и економијата како целина, туку предизвика пустош и во спортот.

повеќе

За транспортерите – благодарам, за мерките – итност, за компаниите надеж дека Владата ќе ги искористи сите ресурси на државата за да ги одржи во живот, без разлика на цената што треба да се плати за тоа.

повеќе

Пандемијата со коронавирусот започна во време кога довербата во институциите беше на рекордно ниско ниво. 

повеќе