Борис Џонсон и Џереми Хант го одржаа завршното обраќање до конзервативците

Двајцата кандидати за британски премиер, Борис Џонсон и Џереми Хант, синоќа во Лондон ја имаа завршната средба со своите гласачи, конзервативците.

Тие ќе одлучат кој ќе биде идниот премиер на Велика Британија и нивен лидер.

Борис Џонсон и Џереми Хант, поранешниот и сегашниот министер за надворешни работи, им се обратија и им одговараа на стотици членови на својата партија во лондонскиот конференциски центар.

Џонсон, кој во оваа трка води според сите анкети на јавното мислење, потврди дека има намера да ја изнесе Велика Британија од Европската Унија до 31 октомври, со или без договор со ЕУ.

Тој тврди дека Британците сакаат влада што „ќе го спроведе и оствари брегзитот“.

Околу 160.000 члена на Конзервативната партија треба да гласаат до понеделник по пошта.

Победникот на овие избори во вторник ќе ја замени Тереза Меј како британски премиер и лидер на конзервативната партија.

Неопходно е да се допрецизира законот со што би се овозможило одреден дел од финансиски средства да се пренасочат кон делот на општествена одговорност на приредувачите на игри на среќа со цел подобрување на спортската инфраструктура.

повеќе

Тоталното разочарување од сите мејнстрим политички елити, вклучувајќи ги и зелените, континуирано води кон отуѓување на граѓаните, за што доказ е се помасовното бојкотирање на изборните процеси.

повеќе

Помина времето кога политиката беше „шаховска борба“ на политичките актери, која неретко се одвиваше далеку од очите на јавноста и беше доста неразбирлива за обичниот гласач. 

повеќе