Блокиран Босфор, хрватски танкер изгуби контрола (ФОТО+ВИДЕО)

Поморскиот сообраќај во теснецот Босфор денес е блокиран во двете насоки откако танкер кој плови под хрватско знаме скршна од рутата и тргна кон брегот.

EPA-EFE

Како што пренесуваат турските медиуми, поморскиот сообраќај во Истанбул е сопрен.

Танкерот кој превезува нафта до засега непознати причини скршнал од патот и тргнал кон брегот. Сопрел на некои 300 метри од брегот во близина на истанбулскиот кварт Леникои, јави турската телевизија НТВ.

На танкерот наводно му се расипал системот за управување и морал итно да сопре. Според други извори, бродот имал дефект на моторот.

На помош биле повикани осум реморкери кои се обидуваат да го извлечат танкерот на безбедно и Босфор повторно да се оспособи за сообраќај.

Овој инцидент веројатно ќе го искористат заговорниците за изградба на Истанбулскиот канал за да се растерети поморскиот сообраќај, за да се избегнат гужвите кои во моментов владеат во поморскиот сообраќај бидејќи од Босфор би се тргнале танкерите и други големи бродови. Денес не е ретко во Босфор да се најдат во близина подморница, трговски или туристички брод и танкер, што дава слика на хаос, а целта на властите е да се спречат судири и несреќи.

Јутарњи лист пренесува дека станува збор за танкерот на хрватска Танкерска пловидба.

Танкерот Рава е долг 249 метри и под хрватско знаме пловел на рута Новоросијск (Русија) – Картагена (Шпанија).

Легенда под Главна слика

EPA-EFE

Македонија може да ги задоволи потребите од електрична енергија ако на површина од 160 км2 постави соларни панели, а инвестицијата за тоа е 2,4 милијарди евра.

повеќе

Тешко е да се очекува дека ветото ќе биде туку-така тргнато. Дури и кога би се постигнал некаков договор, тоа би значело дека Македонија направила тешки и болни компромиси за да дојде до решение, имајќи ги предвид тврдите позиции на Бугарија.

повеќе

Лошите прогнози за инфлацијата и зголемувањето на цените на сите енергенси, не упатува кон еден заклучок - обновливите извори на енергија, заедно со вложувањето во самоодржливост и економијата на подарувањето сега се позначајни отколку кога и да е претходно.

повеќе