Блокадата во австралискиот главен град продолжена за еден месец

Затворањето на австралискиот главен град Канбера денес е продолжено до средината на октомври, соопштија властите.

Фото: ЕПА

Околу 400.000 жители на главниот град беа принудени да останат дома еден месец откако беше идентификуван првиот случај на ковид-19 во градот.

Жариштето, поврзано со делта варијантата, е ограничено, со 252 активни случаи и 276 оздравени лица.

Премиерот на Територијата на главниот град на Австралија, Ендрју Бар рече дека властите сакаат да продолжат да го ограничуваат преносот на вирусот и да вакцинираат што е можно повеќе луѓе.

„Ова е најбезбедниот пат што треба да се следи и ќе ни овозможи да имаме побезбеден Божиќ, побезбедни летни одмори и побезбедна 2022 година“, рече тој на прес-конференција.

Повеќе од 53 проценти од лицата над 16 години во регионот примиле две дози од вакцината, највисок процент во Австралија, која се бори со повеќе жаришта на делта варијантата.

Кампањите за вакцинација се забрзани во последните месеци, особено меѓу луѓето во карантин на југоистокот од земјата, како што се Сиднеј и Мелбурн, двата најнаселени градови.

Австралиските лидери минатата недела се согласија за национални насоки кои предвидуваат укинување на ограничувањата и отворање на границите кога процентот на целосно вакцинирани лица ќе достигне помеѓу 70 и 80 проценти.

Од почетокот на пандемијата, Австралија забележала повеќе од 75.000 случаи на ковид-19 и повеќе од 1.100 смртни случаи.

Легенда под Главна слика

Фото: ЕПА

Колку и да сакаме Украинците да добијат целосна правда, на ерата на славни војни, несомнени победи и чисти порази ѝ дојде крајот. 

повеќе

Македонскиот народ мора да ја заштити автокефалноста на својата Македонска православна црква - Охридска архиепископија, како еден од носечките елементи на неговиот идентитет, од сите загрозувања од Фанар, од СПЦ и другите меѓународни црковни и други чинители. Време е за нов Македонски црковно-народен собир, како во 1945 година.

повеќе

Сите политичари и безмалку сите новинари во Македонија, се со став дека нема или поточно не е можен план Б во преговарањето за влез во ЕУ со Бугарија.

повеќе