Роџер Стоун

Близок соработник на Трамп прогласен за виновен за лажење на Конгресот и влијание врз сведоци

Роџер Стоун, долгогодишен пријател и човек од доверба на американскиот претседател Доналд Трамп, е прогласен за виновен за лажење на Конгресот и за влијаење врз сведок, реши поротата во федералниот суд во градот Вашингтон.

67-годишниот Стоун, кој самиот себеси се опишуваше како политички измамник, беше осуден по сите седум кривични точки за кои беше обвинет: попречување на постапките, пет лажни сведочења и едно влијаење врз сведок.

Обвиненијата се однесуваа на наводите дека Стоун го излажал Конгресот за своите контакти со Викиликс за време на изборите во 2016 година и за неговите наводни обиди да го натера својот соработник Ренди Кредико јавно да ги поткрепи неговите лаги.

Викиликс за време на тие избори објави мејлови од Демократската партија и од шефот на кампањата на Хилари Клинтон, украдени од руските агенти. За мејловите постоеше сомнеж дека ѝ наштетиле на кампањата на Клинтон против Трамп.

Белата куќа не одговорила на барањата на американските медиуми за коментар за пресудата.

Бидејќи знаеме да се перчиме со секој што потекнал од нашиве простори, дури и до илјадито колено наназад (од Аминта III до Симона Халеп), јас ќе ја искористам приликава за да се погордеам со македонските гени на еден извонреден музичар: Васил Хаџиманов.

повеќе

Коста Абрашевиќ, Гоце Делчев... и десетици илјади современици кои потпишале дека „по род се...", за да можат да патуваат и да работат во ЕУ државите.

повеќе

Наместо ефтини штосови на прес конференциите на СДСМ, ВМРО и ДУИ, на кои во несвест паѓаат само  партиските послушници, нивните лидери треба да одговорат на конкретни прашања.

повеќе