Бил Гејтс: Во Украина се трошат премногу ресурси, човештвото сега назадува

Милијардерот и филантроп Бил Гејтс изјави дека верува дека војната во Украина го сопрела развојот на човештвото и ги намалила шансите за постигнување на целите на ОН за одржлив развој на време.

Фото: ЕПА

Во вчерашниот говор во аналитичката група Институт Лоуи, Гејтс кажа дека војната го одвратила светот од постигнувањето на 17-те цели на Обединетите нации за одржлив развој, како намалување на сиромаштијата и гладот и обезбедување достапна и чиста енергија до 2030 година.

„Војната во Украина ќе заврши. Секако ги разбирам ресурсите кои таму се трошат, тоа е ужасна трагедија. Таа трагедија има огромно влијание врз земјите во развој, цените на храната, ѓубривата, знаете дека тие нешта ќе убијат многу луѓе надвор од Украина, исто како во Украина“, кажа Гејтс.

„Значи, војната, во смисла на трошењето ресурси за да се вратиме назад, војната е на врвот на листата интереси и колку побрзо заврши, подобро. Развојните цели кои ОН ги поставија за 2030, таканаречениот одржлив развој, тие цели нема да ги оствариме“, додаде милијардерот.

Фондацијата Бил и Мелинда Гејтс беше вклучена во поставувањето на некои од целите на одржливиот развој, особено во областа на здравството.

„Некогаш 10 отсто од сите деца умираа пред 5 години. Тоа беше 10 милиони на преминот на векот, а сега тоа е намалено на 5 отсто од децата, помалку од 5 милиони годишно. Целта која ја имавме беше таа бројка до 2030 повторно двојно да ја намалиме, а сега за тоа веројатно ќе ни требаат осум години, а тоа е поради војната“, кажа Гејтс наведувајќи конкретен пример на целите кои ќе бидат одложени поради војната.

Што се однесува до климата, во некои земји напредокот почнал да стагнира. Особено европските земји кои се зависни од руските фосилни горива, но поради западните санкции повеќе не ги добиваат од Москва. Во обид да станат енергетски независни од Русија, некои земји ги рестартираа исклучените централи на јаглен.

Во меѓувреме, се чини дека војната во Украина нема наскоро да заврши. Русија наводно се спрема да почне нова офанзива во Украина на пролет или на почетокот на летото, според една од водечките аналитички агенции.

Легенда под Главна слика

Фото: ЕПА

„Ќе дојде ден, кога пазарите отворени за трговија и размена на идеи, ќе бидат единствените борбени полиња“ - Виктор Иго

повеќе

Трагично е што воопшто треба да се бориме за зачувување на институција која отсекогаш била стожер на културниот живот во Македонија.

повеќе

Македонија нема рециклирачки капацитет за пластичната амбалажа, а со увозот на ѓубре како гориво во индустријата, станува и неофицијална депонија на ЕУ.

повеќе