Досега купил 242.000 хектари

Бил Гејтс купува земјоделско земјиште во САД

Бил Гејтс, четвртиот најбогат човек во светот, купил 242.000 хектари земјоделско земјиште во САД.

EPA-EFE

Тоа го прави влијателен приватен сопственик на земјоделско земјиште во Соединетите Американски Држави.

По повеќегодишните извештаи дека купувал земјоделско земјиште во државите Вашингтон и Флорида, Ленд рипорт откри дека Гејтс купил земјоделско земјиште во 18 американски држави.

Неговите најголеми имоти се во Луизијана (69.071 хектари), Арканзас (47.927 хектари) и Небраска (20.588 хектари). Покрај тоа, тој има удел во 25.750 хектари земјиште на западната страна на Феникс во Аризона.

Според истражувањето на весникот, земјиштето го поседува директно и преку компанијата Каскејд инвестментс.

Иако е можеби изненадувачко тоа што технолошкиот милијардер е и најголем индивидуален сопственик на земјиште, ова не е единствен обид на Гејтс во земјоделството.

Во 2008 година Фондацијата Бил и Мелинда Гејтс најави 306 милиони долари неповратни средства за промоција на одржливо земјоделство со висок принос на малите земјоделци во супсахарска Африка и во Јужна Азија.

Фондацијата тогаш вложи и во развојот и ширењето на „супержетвите“ отпорни на климатските промени и на крави со поголем принос на млеко.

Минатата година фондацијата ја основаше Гејтс Аг уан, непрофитна организација која ги унапредува тие напори.

Не е сосема јасно како Гејтс планира да го користи земјоделското земјиште, пишува Форбс, но постојат индикации дека земјиштето би можело да се користи во рамки на вредностите на Фондацијата.

Котонвуд Аг менаџмент, дел од компанијата Каскејд, е член на Лидинг харвест, непрофитна организација која ги промовира одржливите земјоделски ресурси кои даваат приоритет на заштитата на жетвите, тлото и водените ресурси.

Легенда под Главна слика

EPA-EFE

Предвидувањата за тоа дека ќе дојде денот кога Бугарија ќе ги искористи пасошите кои Софија така лесно им ги даваше на македонските државјани почнуваат да се остваруваат.

повеќе

Реакцијата на семејството и блиските во однос на пандемијата е пресуден фактор кој влијае на емотивната состојба, размислувањата и однесувањето на младите.

повеќе

Можеби по нас ќе дојдат некои нови клинци што прегрнати ќе го слушаат мртвиот Џоле и ќе го разберат подобро отколку што го разбравме ние на кои со години жив на глуви уши ни пееше за љубовта.

повеќе