Бил Гејтс: Испораките на вакцини во сиромашните земји ќе доцнат 6 до 8 месеци

Сиромашните земји во најдобар случај ќе доцнат од 6 до 8 месеци со набавката на вакцина против ковид-19 во споредба со побогатите земји, процени во средата филантропот Бил Гејтс.

Фото: ЕПА

Во интервју за Ројтерс, Гејтс рече дека дистрибуцијата на вакцините е исклучително голем проблем што врши притисок врз глобалните институции, владите и производителите на лекови.

„Секој политичар е под притисок да се избори да ја доведе својата земја на почетокот на редот“, рече Гејтс.

Фондацијата Бил и Мелинда Гејтс досега се обврзаа да издвојат 1,75 милијарди долари за борба против пандемијата ковид-19, вклучително и во рамките на програмата Ковакс за правична дистрибуција на вакцините водена од Светската здравствена организација.

Планот на Ковакс е да дистрибуира 2,3 милијарди дози вакцини до крајот на годината, од кои 1,8 милијарди дози бесплатни за сиромашните земји. Се надева дека првите испораки ќе бидат реализирани во февруари.

Гејтс вели дека дистрибуцијата на вакцините преку Ковакс првично ќе биде скромна.

Гејтс во средата во писмото во кое ги објави приоритетите на фондацијата, напиша дека верува оти луѓето што живеат во побогатите земји ќе бидат сведоци на крајот на пандемијата и враќање на нормалниот живот до крајот на годината, под услов вакцинацијата да опфати 70 до 80 проценти од населението.

Тој додаде дека пандемијата резултира и со нешто добро - значително забрзување во развојот на вакцините, како што е онаа заснована врз технологија на информациона РНК што ја користат компаниите Бајонтек/Фајзер и Модерна.

Легенда под Главна слика

Фото: ЕПА

Доколку најмоќните луѓе во земјата (вклучително и претседателот Милановиќ) не престанат со вербалните напади и притисоци врз новинари и медиуми, се плашам дека Хрватска ќе појде по стапките на Унгарија, Полска и Словенија во однос на (не)слободата на медиумите, што секако не е европски, туку автократски пат.

повеќе

Законот за високо образование јасно и прецизно ја пропишува постапката за избор во наставно-научни и соработнички звања на високообразовните институции во нашата држава-Македонија.

повеќе

На три месеци пред избори, Владата носи закони и уредби со катастрофални последици по граѓаните, што е просто неверојатно.

повеќе