Може да достигне пет пати поголема брзина од звукот

Безбедносен пакт АУКУС: Австралија, Британија и САД заеднички развиваат хиперсонично оружје

Властите на Британија, САД и Австралија соопштија вчера дека заеднички развиваат хиперсонично оружје како дел од својот безбедносен пакт АУКУС чија цел е да се спротивстави на растечкото влијание на Кина во регионот на Пацификот.

EPA-EFE

Хиперсоничните ракети, кои можат да достигнат пет пати поголема брзина од брзината на звукот, се побрзи и полесни за управување од стандардните балистички ракети, што ги прави потешки за пресретнување.

Соединетите Американски Држави во 2021 година успешно ја тестираа таа технологија која веќе ја користат Русија, Кина а можеби и Северна Кореја.

„Се обврзуваме да почнеме нова трилатерална соработка во хиперсоничните, контрахиперсоничните и електронските средства за војување“, наведоа во заедничко соопштение претседателот на САД Џо Бајден и премиерите на Британија и Австралија Борис Џонсон и Скот Морисон.

Тие се сложија и да „ја прошират размената на информации и да ја продлабочат соработката во областа на иновациите во одбраната“.

Руските власти во март соопштија дека користеле хиперсонични ракети во Украина, и тоа е првата позната употреба на тоа оружје во борбени услови.

Легенда под Главна слика

EPA-EFE

Во новите предлози се направени само формални, но не и суштествени промени, во однос на претходниот предлог (кој Владата го нема објавено).

повеќе

Енергетската криза во светот, но и во Република Македонија (РМ), не стивнува иако сме на почеток на летото кога вообичаено има помала потрошувачка на енергија кај нас. 

повеќе

Самостојните уметници не се доволно мотивирани да создаваат. 

повеќе