Берлин сака Германец на чело на Европската комисија

Германската канцеларка Ангела Меркел изрази желба за следната година претседател на Европската комисија да биде Германец, па дури и да се откажат од амбициите во врска со Европската централна банка, пишува бизнис весникот Ханделсблат.

„Приоритет за Меркел не е ЕЦБ, туку Комисијата“, рече анонимен извор близок до владата.

Според весникот, канцеларката смета дека претседавањето со Европската централна банка е пред сѐ прашање на престиж, додека претседавањето со Комисијата е политички поважно.

Германскиот кандидат за ЕЦБ, сегашниот шеф на Бундесбанк, Јенс Вајдман нема изгледи да биде избран.

Неговото постојано критикување на политиката на евтини пари која ја води шефот на ЕЦБ, Марио Драги за зајакнување на економиите на земјите во еврозоната, за која тој смета дека е многу неповолна за германските штедачи, предизвика негодување кај некои земји на југот.

Неколку клучни позиции на европските институции треба да бидат обновени во 2019 година, меѓу кои местото претседател на Комисијата, на која во моментов е Жан-Клод Јункер од Луксембург, како и местото претседател на Европската централна банка.

Трката за наследник на Јункер трае во позадина веќе со месеци. Често се споменува името на Французинот Мишел Барние, моменталниот главен преговарач за брегзит во име на Унијата.

Според Ханделсблат, неколку имиња се спомнуваат во Берлин за потенцијални германски кандидати меѓу кои и сегашниот министер за економија Питер Алтмајер и министерката за одбрана, Урсула вон дер Лејен лојални на Ангела Меркел, а се споменува и Манфред Вибер, претседателот на Европската народна партија (ЕПП).

Ако не се претвориме во систем на вакцинални касти („Тргни ги твоите Астразенека-шепи од мојот Фајзер-дедо“), може да застраниме кон вакцинални пасоши со сомнителна валидност („Врвката на оваа пропусница не е во нијанса одобрена од СЗО!“).

повеќе

Освен неколку изолирани обиди, повеќето луѓе не реагираат кај институциите и не бараат одговорност. 

повеќе

Отворено писмо до претседателот Пендаровски и  академска фела во Македонија.

повеќе