Белград: Зад соништата на Курти се крие фашистичката идеја за голема Албанија

Директорот на Канцеларијата за Косово и Метохија на српската влада Петар Петковиќ кажа дека косовскиот премиер Аљбин Курти потврди дека неговата главна цел е големоалбанскиот проект.

EPA-EFE

Кажа дека зад неговите соништа за една и единствена албанска држава на Балканот „не крие ништо друго освен фашистичката идеја за таканаречена голема Албанија“.

Смета дека од тука и доаѓа незаинтересираноста на Курти за дијалог со Белград, која претставува негово чисто понижување на Брисел кога иронично кажува дека би можел да направи отстапка и од седмото место да го стави дијалогот на четврто место според приоритетот.

„Курти со својот најнов повик за создавање таканаречена голема Албанија потврди дека албанското национално движење на Косово и Метохија никогаш немало врска со човековите права и позицијата на албанското малцинство во Србија, туку дека неговата суштина е соголен сепаратизам“, наведе Петковиќ.

Додаде дека е бесмислено повикувањето на Курти на потребата од посилна поврзаност со Албанија, бидејќи ако тој тоа навистина го сака би ја поддржал и не би ја отфрлал иницијативата „Отворен Балкан“, чија цел е, како што кажа, поврзување на државите и народите во регионот, но со зајакнување на довербата, легални и мирољубиви средства.

„Зад сонувањето на Курти за една и единствена албанска држава на Балканот не се крие ништо друго освен фашистичката идеја за таканаречена голема Албанија, која во својата срж го содржи концептот за национална супремација на Албанците и конфронтација со сите соседни народи“, истакна Петковиќ.

Кажа дека „инфантилната потреба за прекројување на границите на Балканот на Курти би била смешна доколку не е проследена со неговата опасна патолошка потреба да се заканува со насилство и да си игра војсководец“.

„Уште еднаш ја предупредуваме меѓународната заедница, додека сè уште не е доцна, да застане на патот на екстремизмот на Аљбин Курти и за почеток за изврши најрешителен притисок неговите фаланги да се повлечат од северот на Косово и Метохија“, заклучи Петковиќ.

Легенда под Главна слика

EPA-EFE

Tреба да ја прифатиме технологијата, наместо да се плашиме од неа, а и игрите се дел од тој процес. 

повеќе

Moжно ли е стотици кандидати за градоначалници три недели да ветуваат, а никој да не каже од каде средства за таа намена т.е. никој да не го спомене зборот децентрализација кој претставува клуч за било какво ветување?

повеќе

Капиталното дело на Танас Вражиновски „Македонска народна митологија“, упатува на потребата нашата наука постојано да се враќа на извориштата на македонската култура и писменост, создавани од светите браќа Кирил и Методиј и од нивните ученици и следбеници, светите Климент и Наум Охридски. 

повеќе