Белград: Курти ја потврди својата позиција на дестабилизатор на регионот

Директорот на Канцеларијата за Косово и Метохија на српската влада Петар Петковиќ изјави дека косовскиот премиер Аљбин Курти уште еднаш ѝ задал удар на нормализацијата на односите на Белград и Приштина.

EPA-EFE

Петковиќ ова го изјави по јавното одбивање на Курти да ја прифати обврската Приштина да овозможи формирање Заедница на српски општини. Според Петковиќ, Курти со ова ја потврдил својата позиција на дестабилизатор на регионот.

Петковиќ кажа дека Курти одбива да сфати дека постои јасна зависност меѓу напредокот во дијалогот на Белград и Приштина и вкупните економски и безбедносни прилики во регионот, и дека секој пат кога јавно ќе го обесмисли тој процес тој работи против интересите на сопствените сонародници.

„Ако Курти не сфаќа дека регионалната стабилност, општествениот и економскиот напредок се и во интерес на Албанците на Косово и Метохија, а очигледно не сфаќа, тогаш се бави со погрешната професија. Упорно опстојувајќи на својата политика дека тоа што е добро за Србите е автоматски лошо за него и за Албанците на Косово и Метохија, Курти признава дека е човек од минатото, дека е непоправливо заробен во агресивните идеолошки матрици, и дека дава предност на конфликтот, а не на соработката“, оцени Петковиќ.

Според него, формирањето на ЗСО е во интерес на Србија и српскиот народ бидејќи е испреговарано како цврст механизам за заштита на правата и позицијата на Србите на Косово, како и дека тоа не би смеело да биде проблем за ниеден нормален и прогресивен албански политичар.

Петковиќ истакна дека и во Белград интересот е и Албанците на Косово да живеат подобро, и дека Белград, за разлика од Курти, никогаш не ја градел својата позиција во дијалогот со тоа што настапувал со желба некому да му биде полошо.

Легенда под Главна слика

EPA-EFE

Македонскиот народ мора да ја заштити автокефалноста на својата Македонска православна црква - Охридска архиепископија, како еден од носечките елементи на неговиот идентитет, од сите загрозувања од Фанар, од СПЦ и другите меѓународни црковни и други чинители. Време е за нов Македонски црковно-народен собир, како во 1945 година.

повеќе

Сите политичари и безмалку сите новинари во Македонија, се со став дека нема или поточно не е можен план Б во преговарањето за влез во ЕУ со Бугарија.

повеќе

(Насловот е на турски со причина, во превод, „писмо или револвер“.)

повеќе