Судири меѓу полицијата и демонстрантите во Белград

Граѓаните растерани со солзавец, жандармеријата тепаше луѓе во стампедо (ФОТО+ВИДЕО)

Неколку илјади граѓани се собраа пред Националното собрание во Белград околу седум часот за да го искажат своето незадоволство од вчерашната најава на претседателот на Србија, Александар Вучиќ, дека за викендот ќе биде воведен полициски час. Некаде по осум часот дојде до судир меѓу полицијата и демонстрантите, а по употребата на солзавец, граѓаните беа растерани.

Протестот почна мирно, но потоа се случи инцидент. Граѓаните фрлаа петарди кон полициските службеници, а овие возвратија со солзавец. Граѓаните потоа се разбегаа, пренесе КРИК, а полицијата постави кордони низ целиот центар.

Демонстрантите се раштркаа во неколку групи откако полицијата фрли големо количество солзавец. Претходно, на булеварот пристигнаа оклопни возила.

Откако жандармеријата фрли солзавец и тргна во јуриш, луѓето почнаа во стампедо да паѓаат едни преку други. Додека беа во толпата, припадниците на безбедносните сили ги тепаа со пендреци.

Нешто пред тоа, водачот на Движењето на граѓаните на Србија, Сергеј Трифуновиќ, беше повреден во толпата, откако беше удрен по глава.

Алчноста за максимизирање на површината на градење ја помина „црвената линија“. Градот полека ја сече гранката на која седи.

повеќе

Пристигна барањето од етничкиот албански фактор во политиката за тоа да има промена во химната, знамето и грбот на државата.

повеќе

Доколку најмоќните луѓе во земјата (вклучително и претседателот Милановиќ) не престанат со вербалните напади и притисоци врз новинари и медиуми, се плашам дека Хрватска ќе појде по стапките на Унгарија, Полска и Словенија во однос на (не)слободата на медиумите, што секако не е европски, туку автократски пат.

повеќе