Белата куќа: Русија мора да го почитува суверенитетот на Белорусија

Русија мора да го почитува суверенитетот на Белорусија и правото на нејзиниот народ да ги бира сопствените лидери, кажа портпаролката на Белата куќа Кејли Мекенани.

EPA-EFE

Мекенани им кажа на новинарите дека лидерите на поранешната советска република Белорусија треба да ги слушаат барањата на големиот број демонстранти кои три недели на улиците ја обвинуваат власта за местење на изборите.

„Големиот број Белоруси кои мирно протестираат јасно покажува дека владата не може да ја игнорира народната волја за демократија и Русија исто така мора да го почитува белорускиот суверенитет и правото на нејзиниот народ да ги бира сопствените лидери слободно и чесно“, кажа Меканани.

Заменикот американски државен секретар Стивен Бејган кажа минатата недела дека руска воена интервенција во Белорусија „би била многу непожелна“, но додаде дека Вашингтон нема никакви информации дека такви планови постојат.

Со недели траат протестите и штрајковите откако Лукашенко победи на изборите на 9 август со 80 отсто од гласовите за кои опозицијата тврди дека биле наместени, но тој ги отфрла обвинувањата и демонстрантите ги обвинува дека сакаат да го урнат водени од раката на Западот.

Белорусија е најблискиот сојузник на Русија и територија на поранешниот Советски Сојуз. Во најсилната порака на поддршка рускиот претседател Владимир Путин во четвртокот кажа дека формирал резервни полициски сили кои би можеле да му помогнат на Лукашнко доколку нештата во земјата избегаат од контрола.

Бејган го повика Минск да прифати медијација на Организацијата за европска безбедност и соработка (ОБСЕ).

Мекенани кажа дека американските власти внимателно го следат развојот на состојбата во Белорусија и ги поддржуваат меѓународните напори да се преиспитаат тврдењата за изборни неправилности, кршења на човековите права и владино задушување на мирните протести.

Опозицијата, на чело со Светлана Тихановскаја, која беше кандидат на изборите но избега во соседна Литванија, организираше два големи протести на 16 и 23 август, а првите протести по изборите на 9 август беа на сила задушени, при што три лица беа убиени, со повеќе десетици повредени и над 7.000 приведени демонстранти.

Легенда под Главна слика

EPA-EFE

На светов има доволно место и за доктори и за антиваксери, и за научници и инженери, како и за рамноземјани и антимаскери, за уметници и фантазери.

повеќе

Во Законот кој е предложен воопшто не се цели на попишување на реалната состојба на терен, туку се цели на попишување на сите возможни граѓани заради задоволување на политички цели.

повеќе

Веќе е јасно дека светот никогаш нема да биде ист по завршувањето на пандемијата и дека последиците ќе креираат нови образовни можности.

повеќе