Резултати од јулските анкети

Бајден значително пред Трамп

Истражувањата на јавното мислење спроведени во јули низ САД на претседателските избори му даваат значителна предност на кандидатот на демократите Џозеф Бајден, во однос на актуелниот претседател Доналд Трамп, пренесува порталот Демостат.

EPA-EFE

Онлајн истражувањето кое го спровел Ипсос, а чиј нарачател е Ројтерс, е спроведено во периодот од 27 до 29 јули и од 947 анкетирани, регистрирани гласачи, 47 отсто изразиле поддршка за Бајден, додека предност на рамп му дале 38 отсто од анкетираните.

Втора анкета, исто така онлајн, направена од Југов (нарачателот не е наведен), во истиот период опфатила 1.260 регистрирани гласачи, од кои 49 отсто го поддржале Бајден, а 40 отсто Трамп.

Југов претходно во јули спроведе уште неколку истражувања на истата тема. За илустрација, во онлајн анкетата на Југов која ја нарача Економист, направена од 19 до 21 јули, а во која учествувале 1.222 регистрирани гласачи, за Бајден се изјасниле 48 отсто од анкетираните, а за Трамп 41 отсто.

Истражувањето на јавното мислење на Палс опинјон рисрч, а чиј нарачател е Расмусен рипортс, било спроведено во периодот меѓу 22 јули и 28 јули. Истражувањето било правено на два начини – со методи на интерактивен гласовен одговор и онлајн, а учествувале 2.500 потенцијални гласачи, од кои 48 отсто го поддржале Бајден, а 42 отсто Трамп.

Популарноста на претседателските кандидати минатиот месец ја истражувал и Оптимус. Во онлајн анкета, чиј нарачател не е наведен, учествувале 914 потенцијални гласачи. Истражувањето било спроведено од 24 јули до 28 јули, а 48 отсто од анкетираните изјавиле дека го поддржуваат Бајден, додека 40 отсто го поддржале Трамп.

На листата „истражувачи“ се најде и Чејнџ рисрч. Онлајн анкетата, без нарачател, била работена меѓу 24 јули и 26 јули. Учествувале 1.039 потенцијални гласачи, а резултатот гласи: Бајден 51 отсто, Трамп 42 отсто.

Иако резултатите на јулските анкети сугерираат изборна победа на Бајден, Демостат во текстот истакнува дека е рано за донесување конечни заклучоци, бидејќи примерот на кампањата од 2016 покажува дека Трамповите гласачи потешко се одлучуваат да учествуваат во анкетите, особено телефонските и онлајн.

Легенда под Главна слика

EPA-EFE

Доколку најмоќните луѓе во земјата (вклучително и претседателот Милановиќ) не престанат со вербалните напади и притисоци врз новинари и медиуми, се плашам дека Хрватска ќе појде по стапките на Унгарија, Полска и Словенија во однос на (не)слободата на медиумите, што секако не е европски, туку автократски пат.

повеќе

Законот за високо образование јасно и прецизно ја пропишува постапката за избор во наставно-научни и соработнички звања на високообразовните институции во нашата држава-Македонија.

повеќе

На три месеци пред избори, Владата носи закони и уредби со катастрофални последици по граѓаните, што е просто неверојатно.

повеќе