Бајден: Во следните 24 до 36 часа ќе има напад на аеродромот во Кабул

Американскиот претседател Џозеф Бајден синоќа соопшти дека нов терористички напад во Авганистан е „многу веројатен во следните 24 до 36 часа“.

Фото: ЕПА

„Ситуацијата на теренот сѐ уште е многу опасна, а заканата од терористички напади на аеродромот во Кабул останува голема. Нашите команданти ме информираа дека е мошне веројатен напад во следните 24 до 36 часа“, рече Бајден.

„И покрај опасната ситуација во Кабул, продолжуваме со евакуација на цивили“, рече Бајден.

Тој додаде дека вчераутро се сретнал со тимот за национална безбедност во Вашингтон и одржал разговор со командантите на теренот.

„Разговаравме за нападот што американските сили го извршија против терористичката група ИСИС-Х во Авганистан. Реков дека ќе тргнеме по групата одговорна за терористичкиот напад врз нашите војници и невините цивили во Кабул и го направивме тоа“, додаде Бајден, алудирајќи на воздушниот напад во петокот, кога беа убиени двајца оперативци на групата ИСИС-Х.

Бајден рече дека нападот врз ИСИС-Х не е последен и дека САД „ќе го фатат секое лице вклучено во терористичкиот напад во четвртокот и ќе го натераат да плати“.

„Секогаш кога некој сака да им наштети на САД или на нашите војници, ние ќе одговориме. Нема потреба да се сомневате во тоа“, рече Бајден.

Легенда под Главна слика

Фото: ЕПА

Можеби поради еуфоријата што ја донесе туризмот - и желбата на самите жители на Грција да уживаат во одморите - пошироката јавност беше подготвена да ги толерира дневните бројки на новозаразени (во просек помеѓу 2.000 и 3.000 случаи во текот на летото). 

повеќе

Насловот асоцира и на резултатите од изборите, кои, кога ќе излезе оваа колумна, ќе бидат познати, иако најретко споменуван збор во кампањата беше зборот ДЕЦЕНТРАЛИЗАЦИЈА, кој е единствен начин за остварување на сите „големи“ ветувања што ги слушнавме изминативе две недели.

повеќе

Опонентите на академик Блаже Ристовски во Македонија го квалификуваа како националист, во белградскитe кругови  го именуваа како „бугарофил“, а во Бугарија го нарекуваа „Југословен“ и „србокомунист“. А тој си остана ист, исправен пред нападите и секогаш подготвен да им одговори на критичарите.

повеќе