Бајден: Светот ѝ испрати јасна порака на Русија

Американскиот претседател Џозеф Бајден изјави дека светот испрати јасна порака откако Генералното собрание на ОН со големо мнозинство ја одобри резолуцијата со која се осудува руската анексија на четирите украински територии како нелегална.

Фото: ЕПА

„Русија ги уништува самите основи на меѓународниот мир и безбедност. Влоговите во овој конфликт се јасни за сите - а светот како одговор испрати јасна порака: Русија не може да избрише суверена држава од картата. Русија не може да ги менува границите, Русија не може да окупира територија на друга земја како своја. Речиси осум месеци по оваа војна, светот штотуку покажа дека е пообединет и порешителен од кога било“, рече Бајден, пренесе Си-ен-ен.

Резолуцијата беше поддржана од 143 членки на Обединетите нации и гласаа за осуда на незаконскиот обид на Русија за анексија на Луганск, Доњецк, Керсон и Запорожје по референдумите кои западните лидери ги оценија како лажни. Само четири членки на ОН застанаа на страната на Москва - Белорусија, Северна Кореја, Никарагва и Сирија.

Американскиот државен секретар Антони Блинкен рече дека гласањето го покажа меѓународното единство против Русија и повтори дека САД никогаш нема да ги признаат „лажните“ референдуми. Гласањето е „силен потсетник дека огромно мнозинство нации стојат со Украина, ја бранат Повелбата на ОН и цврсто се спротивставуваат на војната на Русија против Украина и нејзиниот народ“, рече Блинкен.

Легенда под Главна слика

Фото: ЕПА

Почнавме со спротивставени мислења околу Законот за работни односи, со кој недела се прогласува за неработен ден. Завршивме на Уставен суд.

повеќе

Да ги споменеме и другите големи глобални предизвици: големите опасности од еколошка катастрофа; зголемувањето на нееднаквоста во нашите општества; и напливот на нови технологии кои можат да го нарушат светот доколку истите не бидат соодветно користени и контролирани.

повеќе

Им благодарам на Русите како креатори, но посебно на бугарските послушни  извршители за пропагандата што ја водат против Македонија. Што направија?

повеќе