Се лизнал додека си играл со кучето

Бајден скрши стапало, Трамп: Да оздравиш брзо! (ВИДЕО)

Новоизбраниот претседател на Соединетите Американски Држави Џозеф Бајден добил со мали скршеници на ногата откако се лизнал додека си играл со едно од своите кучиња, и веројатно неколку недели ќе мора да носи заштитна обувка, објави неговиот личен лекар во неделата.

Фото: ЕПА

Инцидентот се случил во саботата, се вели во соопштението на канцеларијата на Бајден, а 78-годишниот новоизбран американски претседател од редовите на Демократската партија во неделата направил рендген и ЦТ-скен на ортопедот, како „мерка на претпазливост“.

Лекарите првично сметале дека поранешниот потпретседател на САД само го искривил глуждот, но наложиле дополнително снимање на повредата.

„Со контролниот ЦТ се потврдија помали скршеници“, рече личниот лекар на Бајден, Кевин О’Конор, во изјавата издадена од канцеларијата на Бајден.

„Веројатно неколку недели ќе му треба заштитен чевел за одење“, додаде О’Конор.

Како најстар претседател во историјата, Бајден треба да даде заклетва на 20 јануари следната година, а сојузниците, како и ривалите, веројатно внимателно ќе ја следат неговата здравствена состојба, заклучува Ројтерс.

Актуелниот американски претседател Доналд Трамп, кој сѐ уште не го призна изборниот пораз и ги оспорува резултатите на суд, му посака на Бајден брзо закрепнување.

„Поскоро да оздравиш!“, напиша Трамп на Твитер.

 

Легенда под Главна слика

Фото: ЕПА

Засега СДСМ и ВМРО-ДПМНЕ и нивните заеднички алтер-фабрикати не даваат впечаток дека го разбираат новосоздадениот замаец.

повеќе

Западен Балкан оди во насока на целосна контрола на државните институции во служба на политичките елити. Не е чудо што граѓаните имаат ниска доверба во овие институции.

повеќе

Граѓаните се преморени од бескрајните, приказни на предавници и патриоти, тирански платформи, договори со Грција, Бугарија, рекети, пописи, тендери,

повеќе