Бајден разговараше со Си за Тајван

Американскиот претседател Џозеф Бајден потврди дека разговарал со кинескиот претседател Си Џинпинг за Тајван и дека се согласиле да се придржуваат кон тајванскиот договор, зашто тензиите меѓу Тајпеј и Пекинг се зголемени.

Фото: ЕПА

„Разговарав со Си за Тајван. Се согласуваме, ќе го почитуваме тајванскиот договор. Јасно ставивме на знаење дека не мислиме дека би требало да се прави што било друго освен да се придржуваме кон договорот”, соопшти во вторникот американскиот претседател, пренесува Ројтерс.

Се смета дека во оваа изјава Бајден се повикува на долгогодишата политика на Вашингтон за „една Кина”, според која САД официјално го признаваат Пекинг, а не Тајпеј, и на Законот за односите со Тајван, кој јасно дава на знаење дека одлуката на САД да воспостави дипломатски врски со Пекинг наместо со Тајван почива на очекувањето дека иднината на островот ќе се одредува по мирен пат.

Тајпеј извести за 148-те авиони на кинеските воздушни сили во јужниот и југозападниот дел на зоната на неговата противвоздушна одбрана за време на четиридневен период, почнувајќи од петокот, истиот ден кога Кина го одбележа својот главен празник, Денот на државноста.

Вашингтон во неделата ја повика Кина да ги прекине своите воени активности во близина на Тајван.

„САД се мошне загрижени поради провокативната воена активност на Кина во близината на Тајван, која дестабилизира, ризикува погрешни процени и го поткопува регионалниот мир и стабилност”, соопшти портпаролот на Стејт департментот, Нед Прајс.

Тензиите околу Тајван се зголемија во последниве години и Пекинг не ја исклучува употребата на сила за враќање на островот, кој го смета за своја суверена територија.

Легенда под Главна слика

Фото: ЕПА

Земјите треба да бараат начини за градење мостови и унапредување на билатералните економски врски, а не да гледаат во минатото и да му наметнуваат на македонскиот народ поинаков идентитет или историски наратив.

повеќе

Tочната искористеност и капацитет на водните ресурси во државата e невозможно прецизно да се пресмета заради недостиг на континуирани хидролошки мерења и мониторинг на квалитетот на водите.

повеќе

Нам бизнисмените не ни требаат ниту уставни преамбули ниту некакви параграфи за да ги почитуваме Република Бугарија и нејзините граѓани. Ние некого почитуваме доколку прави профит, плаќа даноци и доколку е општествено одговорен.

повеќе