„Ова е ден на Америка“

Бајден положи заклетва и официјално стана 46-от претседател на САД (ВИДЕО)

Џозеф Бајден ја положи заклетвата и официјално стана 46-от претседател на САД, и со 78 години е најстариот вршител на таа функција.

EPA-EFE

Бајден заклетвата ја положи пред врховниот судија Џон Робертс, а неговата сопруга Џил Бајден ја држеше Библијата додека тој ја даваше заклетвата.

Во воведното обраќање кажа дека демократијата надвладеала со Америка.

„Ова е ден на Америка. Ова е ден на демократијата“, кажа Бајден.

Тој во обраќањето кажа дека американската нација „мора да се спротивстави на белата надмоќ“.

„Сонот за правда за сите нема повеќе да биде одложуван“, порача Бајден.

Повика на обединување, по годините на поделби.

„Знам дека говор за единство денес на некои може да им звучи како глупава фантазија. Знам дека силите кои нè делат се длабоки и реални. Исто така знам дека не се нови“, кажа новиот американски претседател.

„Ова е наш историски момент на кризи и предизвици, а единството е патот за напред“, кажа Бајден.

Кажа и дека ќе се залага за подобри односи во светот.

„Ќе ги поправиме односите со своите сојузници и повторно ќе стапиме во контакт со светот, не за да излеземе на крај со вчерашните, туку со денешните и утрешните предизвици“, кажа Бајден.

Легенда под Главна слика

EPA-EFE

Опседнатоста со лесна и брза заработувачка, завидливоста и љубомората кон побогатите, невидената мрзливост комбинирана со желбата за убав и прилично ситуиран живот, од Македонците создаде зомбизирани суштества кои лутаат низ времето и просторот, без патоказ и без изграден вредносен ориентир по кој ќе се водат низ животот.

повеќе

Иако новогодишните честитки во јануари оваа година, беа најчесто за здравје и со желба за „старото нормално“, првите три месеци од 2021 година не навестуваат крупни промени околу тоа кој ќе биде повторно најизговорениот збор и во периодот кој претстои. 

повеќе

Програмата за вакцинација во Бугарија може исклучиво да се окарактеризира како фијаско. 

повеќе