Бајден: Подготвени сме на сè што прави Северна Кореја

Бајден го обиколи центарот за заеднички воздушни операции, каде јужнокорејските и американските војници го надгледуваат воздушниот простор, додека Северна Кореја во последно време почесто тестира ракетно оружје.

Фото: ЕПА

Претседателот на Соединетите Американски Држави Џозеф Бајден изјави денеска дека САД се подготвени на сите потези на Северна Кореја.

„Подготвени сме за сè што прави Северна Кореја, размислувавме како ќе одговориме на секој чекор што можат да го направат и затоа не сум загрижен“, рече Бајден пред посетата на американската воена база во Јужна Кореја, каде што се сместени околу 30.000 американски војници.

Бајден го обиколи центарот за заеднички воздушни операции, каде јужнокорејските и американските трупи го надгледуваат воздушниот простор, додека Северна Кореја во последно време почесто тестира ракетно оружје. За разлика од претходните американски претседатели, тој за време на неговата посета не ја посети демилитаризираната зона меѓу Северна и Јужна Кореја.

Претходно во текот на денот американскиот претседател разговарал со Чунг Јуисун, претседател на јужнокорејската автомобилска компанија Хјундаи, за нова инвестиција од 11 милијарди долари. Од кои 5.5 милијарди долари за отворање на фабрика за електрични возила во американската држава Џорџија.

Една од главните цели на посетата на Бајден на Азија оваа недела беше да се потврди сојузот со Јужна Кореја и Јапонија, како и да се најдат начини за проширување на соработката. По вчерашната средба, Бајден и јужнокорејскиот претседател Јун Сук Јол во заедничка изјава изразија отвореност за проширување на опсегот на заедничките воени вежби. Американскиот претседател рече дека двете земји покажале „подготвеност заедно да се соочат со сите закани“.

Легенда под Главна слика

Фото: ЕПА

Во новите предлози се направени само формални, но не и суштествени промени, во однос на претходниот предлог (кој Владата го нема објавено).

повеќе

Енергетската криза во светот, но и во Република Македонија (РМ), не стивнува иако сме на почеток на летото кога вообичаено има помала потрошувачка на енергија кај нас. 

повеќе

Самостојните уметници не се доволно мотивирани да создаваат. 

повеќе