Бајден: Нападот врз една членка на НАТО е напад врз сите

Американскиот претседател Џо Бајден денеска во Брисел рече дека колективната одбрана на НАТО, принципот дека нападот врз една членка се смета за напад врз сите, е света обврска.

Фото: ЕПА

Неговиот претходник Доналд Трамп избегна да потврди дека САД го поддржуваат членот 5 од Северноатлантскиот договор, кој ја дефинира колективната одбрана на НАТО.

„Членот 5 е света обврска. Сакам цела Европа да знае дека Соединетите Држави се тука“, рече Бајден при пристигнувањето на самитот на Алијансата.

„Постојано ги потсетувам Американците дека НАТО се мобилизираше кога Америка беше нападната на нејзино тло за прв пат од почетокот на Втората светска војна. Сојузниците го почитуваа членот 5“, додаде Бајден, осврнувајќи се на солидарноста на сојузниците по терористичките напади на 11 септември 2001 година.

Тој ги повика членките заедно да се соочат со новите предизвици што ги поставуваат Русија и Кина.

„Во последните две години сè повеќе расте свеста дека имаме нови предизвици. Ја имаме Русија која не се однесува како што се надевавме. А тука е и Кина.“

Во завршната декларација што ќе ја усвојат денес, лидерите на НАТО за прв пат ќе ја именуваат Кина како „системски предизвик“.

„Јавно изнесените амбиции и наметливото однесување на Кина претставуваат системски предизвици за меѓународниот поредок заснован на правила и во области релевантни за безбедноста на сојузниците“, се вели во нацрт-документот.

Легенда под Главна слика

Фото: ЕПА

Процесот на донесување на буџетот ме потсетува на една изрека на поранешниот државен секретар на трезорот на САД, Џејкоб Лу (Jacob Lew) кој вели дека „Буџетот не е само колекција на бројки, туку израз на нашите вредности и аспирации“.

повеќе

Конески со голема дарба и со рационална мисла, создаде комуникативна поезија, создаде за македонските генерации образец на читлива литература.

повеќе

Првичната реакција на голем број држави кога се појави новата варијанта на ковид-19 вирусот за забрана на патувањето од Јужна Африка и од соседните држави, иако истиот веќе се има проширено, е очајна мерка. Всушност, државите можеби се и подобро подготвени отколку што мислат за што и да следи.

повеќе