Поништена одлуката на Трамп

Бајден ја укина забраната за трансродовите лица да служат војска

Американскиот претседател Џо Бајден ја поништи денес контроверзната одлука на својот претходник Доналд Трамп за забрана на трансродовите лица да служат војска ако им е потребен лекарски третман.

EPA-EFE

Бајден, во присуство на министерот за одбрана Лојд Остин и началникот на генералштабот на американската војска Марк Мајли го потпиша указот со кој „сите Американци квалификувани да служат во оружените сили на САД ќе можат тоа да го направат“.

Претходниот американски претседател Трамп во 2017 година воведе забрана за трансродовите лица да служат војска поради „огромните лекарски трошоци“.