Австралиски војници закачиле нацистичко знаме за време на операција во Авганистан (ФОТО+ВИДЕО)

Австралиски војници истакнале нацистичко знаме за време на една од операциите во Авганистан, што војската тогаш го оценила како „лоша шега“, а премиерот Малком Турнбул како потег кој е „целосно неприфатлив“.

Австралиската телевизија Еј-би-си објави фотографија од инцидентот кој се случил уште во 2007, пренесувајќи ги тврдењата на воен извор кој кажал дека станувало збор за „лоша шега“ а не за неонацистички чин.

„Знамето кратко се веело на едно возило на австралиската војска во 2007. Командантот веднаш ја отстранил“, објасни австралиското министерство за одбрана.

„Знамето беше отстрането, а одговорните казнети“, кажа премиерот.

Австралиската војска е присутна во Авганистан од 2001. Во 2007, кога се случил инцидентот, биле распоредени околу 900 австралиски војници.

Епизодата е објавена токму во време кога се зборува за многу контроверзното однесување на австралиските војници во Авганистан, каде сѐ уште ги има околу 300.

Елитните австралиски единици се обвинети за воени злосторства во таен документ до кој месецов дојдоа австралиските медиуми. За обвинувањата е отворена истрага.

Храбрите лидери можат да успеат со порака за надеж, отвореност и инклузивност и со промовирање на визија за напредок заснована на веродостојни реформи.

повеќе

Кога панаѓурот ќе помине, и кога наредното утро ќе се погледнете во огледало – сите работи што ве прават незадоволни од самите себеси и понатаму ќе бидат видливи: и изгледот, и навиките, и карактерот... Само идентитетот ќе ви го нема.

повеќе

Договорот помеѓу Република Македонија и Република Грција, доколку биде ратификуван, ќе влезе во аналите на историјата на дипломатијата.

повеќе