Авиони на НАТО првпат во мисија на заштита на црногорското небо, пресретнале авион од Хрватска

Авиони на НАТО за првпат учествувале во заштитата на воздушниот простор над Црна Гора, соопшти воениот пакт.

Како што се наведува, авиони на НАТО биле ангажирани откако во Црна Гора влегол цивилен авион што над Хрватска изгубил комуникација со контролата на воздушниот сообраќај.

Во соопштението доставено до црногорските медиуми се наведува дека тој авион во вторникот го пресретнале два авиони „јурофајтер“ на италијанското воено воздухопловство.

Одлуката италијанските авиони да полетаат од италијанската база Џоја дел Коле, околу 20 километри јужно од Бари, ја донел центарот на НАТО за комбинирани воздушни операции во Шпанија.

„Два авиони јурофајтер кои се во состојба на готовност да го заштитат воздушниот простор на НАТО над Италија, Албанија и Црна Гора успешно го пресретнаа авионот само неколку минути подоцна“, се наведува во соопштението на Алијансата.

Се додава дека пилотите направиле визуелна проверка на авионот за да ја исклучат можноста за евентуални незаконски дејства.

Утврдено е дека губењето на комуникацијата се случило поради недоразбирање меѓу цивилната контрола на летање и екипажот на авионот. По воспоставувањето нормален контакт со цивилната контрола, авионот продолжил кон дестинацијата во Египет.

Улогите на „добар и лош полицаец“ ќе ги играат кон нас уште долго, доколку не сфатиме дека со итроманска политика не се може подалеку од Табановце до Богородица.

повеќе

Неделава, владите на ЕУ повторно решија да го одложат започнувањето на преговорите за пристапување со земјите кандидати Албанија и Северна Македонија, што претставува историска грешка - бидејќи безбедноста и стабилноста на Унијата зависат од трансформацијата на југоистокот.

повеќе

Минатата недела, Сирија повторно беше на врвот на меѓународните вести. Земјата, која долги години е вклучена во борбата против екстремистичките групи, повторно се соочи со нов бран на агресија и воена акција. Во средата, на 9 октомври, турската армија, заедно со сириските антивладини бунтовници, го започна маршот кон североисточните делови на оваа земја што предизвика жестоки борби.

повеќе