Обучен од Британците

Авганистански снајперист брутално убиен од талибанците „пред неговото семејство“

Авганистански снајперист, кој претходно работел со британските специјални сили, е брутално убиен од талибански војници, потврди поранешен полковник на британската армија.

Фото: ЕПА

28-годишниот маж, идентификуван само како „Н“, се криел во Кабул кога бунтовниците го пронашле во понеделникот. Авганистанскиот снајперист, кој беше татко на пет деца, потоа бил застрелан и убиен пред очите на неговото семејство.

„Можеше да се предвиди дека тоа ќе се случи за сите оние што останаа без помош. Тој се криеше поради заканата со која се соочи, но го најдоа и беше застрелан повеќе пати, погубен пред очите на неговото семејство“, изјави Еш Александар-Купер, поранешен полковник на британската армија, за Тајмс.

„Н“ бил член на елитна авганистанска единица обучена од Британија позната како ЦФ333, каде што служел како снајперист. Тој исто така беше на листата од 700 Авганистанци што сакаа да мигрираат во Велика Британија откако талибанците го зазедоа Авганистан, но беа напуштени, изјави Рафи Хотак, поранешен преведувач, кој живее во Велика Британија и ѝ бил пријател на жртвата.

„За жал, не успеавме да ги евакуираме сите во ограниченото време што го имавме на располагање“, изјави Министерството за одбрана на Велика Британија за Тајмс. „Ќе продолжиме да работиме со меѓународните партнери за да овозможиме безбеден премин од Авганистан“.

„Н“ е една од многуте жртви што талибанците ги убија откако ја презедоа авганистанската влада на 15 август.

Според извештај на Би-би-си објавен во вторникот, бунтовничката група убила најмалку 20 цивили во долината Панџшир во земјата, во која имало борби меѓу талибанците и опозициските сили. Една од жртвите беше продавач што бил уапсен и обвинет дека им помагал на членовите на отпорот продавајќи им сим-картички.

Телото на продавачот било исфрлено во близина на неговиот дом неколку дена по апсењето. На неговото тело имало знаци на тортура, рекле сведоци.

Во почетокот на септември талибанците наводно ја претепале и застрелале Негар Масуми, полицајка што била во осми месец бременост, пред нејзиното семејство во нивниот дом во провинцијата Гор. Талибанците негираат каква било вмешаност во инцидентот, наведувајќи дека сѐ уште го истражуваат убиството на Масуми.

Легенда под Главна слика

Фото: ЕПА

Опонентите на академик Блаже Ристовски во Македонија го квалификуваа како националист, во белградскитe кругови  го именуваа како „бугарофил“, а во Бугарија го нарекуваа „Југословен“ и „србокомунист“. А тој си остана ист, исправен пред нападите и секогаш подготвен да им одговори на критичарите.

повеќе

Ентузијазмот во првите месеци од годинава во врска со масовната вакцинација беше таков што Србија во март беше прва меѓу европските држави според бројот на граѓани што примија втора доза на милион жители. 

 

повеќе

Со само 48% вакцинирано население, недозволиви грешки на стручниот штаб за Ковид-19 и масовни протести против вакцинација, очигледно е дека кампањата за вакцинација во Словенија беше навистина неуспешна. 

повеќе