Атентат врз потпретседателката на Аргентина: „Најсериозен настан откако земјата ѝ се врати на демократијата“ (ВИДЕО)

Потпретседателката на Аргентина Кристина Фернандес де Киршнер не е повредена откако маж се обидел да ја убие пред нејзиниот дом во Буенос Аирес.

Фото: ЕПА

„Тој човек ѝ впери пиштол во главата и го повлече чкрапалото. Кристина е жива бидејќи од некоја причина, која допрва треба да се потврди, пиштолот не пукнал“, изјави аргентинскиот претседател Алберто Фернандес во телевизиско обраќање, пренесува Ројтерс.

Нападот ја истакна растечката политичка тензија во Аргентина, но и во целиот регион - од Колумбија до Бразил.

Фернандес додаде дека во пиштолот биле пронајдени пет куршуми.

„Ова е најсериозниот настан низ кој сме поминале откако Аргентина ѝ се врати на демократијата“, рече тој.

На Кристина Фернандес де Киршнер ѝ се суди по обвиненија за корупција, а стотици поддржувачи се собраа пред нејзиниот дом во Буенос Аирес кога се случи нападот.

Видеото што се појави на интернет покажува како маж држи пиштол неколку сантиметри од нејзината глава додека таа ги поздравува поддржувачите.

Напаѓачот, идентификуван од властите како 35-годишен маж со бразилско потекло, беше брзо уапсен од полицијата.

Легенда под Главна слика

Фото: ЕПА

Калоѓера не може да премолчи, не може да замиже пред историската вистина на Македонија, па затоа во својот живот се определил да македонствува.

повеќе

Слушањето како способност да го фокусираме вниманието на аудитивните дразби е важен аспект на нашиот живот и значително влијае на неговиот квалитет во сите сегменти.

повеќе

„Ќе дојде ден, кога пазарите отворени за трговија и размена на идеи, ќе бидат единствените борбени полиња“ - Виктор Иго

повеќе