Астронаутите на НАСА во капсулата на Спејсекс пристигнаа на Меѓународната вселенска станица (ВИДЕО)

Компанијата Спејсекс испрати завчера четворица астронаути на НАСА на лет до Меѓународната вселенска станица (ИСС), а тие таму пристигнаа утринава.

EPA-EFE

Капсулата на Спејсекс Драгон кру со тројца Американци и еден Јапонец, пристигна на ИСС 27 часа откако беше лансирана од центарот на НАСА Кејп Канаверал на Флорида.

При спојувањето, капсулата Драгон кру и ИСС патувале отприлика со иста брзина од околу 27.350 км/ч.

Вселенската станица, орбиталната лабораторија која се наоѓа 400 километри над Земјата ќе биде нивен дом следните шест месеци.

Шефицата за човечки патувања во вселената на НАСА Кети Лодерс истакна дека е горда на астронаутите.

Во екипажот се командантот на Драгон кру Мајк Хопкинс и двајца астронаути на НАСА – пилотот на мисијата Виктор Гловер и физичарката Шенон Вокер. Ним им се придружи јапонскиот астронаут Соичи Ногучи, на кого ова му е трето патување во вселената откако претходно леташе со американскиот шатл во 2005 година и на рускиот Сојуз во 2009 година.

Една американска астронаутка и двајца руски космонаути се наоѓаат на вселенската станица од претходната мисија.

„Добредојдовте на ИСС. Едвај чекавме да пристигнете“, кажа Американската Кејт Рубинс.

Пред да добие сертификат за летање од НАСА, Драгон кру се развиваше отприлика десет години како дел од јавно-приватното партнерство со НАСА кое почна во 2011.

Лансирањето во неделата беше прва оперативна мисија за Спејсекс за НАСА во рамки на таа програма, откако двајца американски астронаути минатото лето заминаа на тестен лет.

Легенда под Главна слика

EPA-EFE

Во САД и некои други земји, припадниците на загрозените расни и етнички малцинства имаат пократок животен век од просечниот, и поради тоа не се доволно застапени меѓу оние за кои најмногу се очекува дека ќе починат од ковид-19.

повеќе

Предвидувањата за тоа дека ќе дојде денот кога Бугарија ќе ги искористи пасошите кои Софија така лесно им ги даваше на македонските државјани почнуваат да се остваруваат.

повеќе

Реакцијата на семејството и блиските во однос на пандемијата е пресуден фактор кој влијае на емотивната состојба, размислувањата и однесувањето на младите.

повеќе