Историско достигнување

Аргентина и Алжир ја искоренија маларијата

Светската здравствена организација ги прогласи Алжир и Аргентина за земји без маларија што претставува „историско достигнување" за двете земји.

Декларацијата следи по предупредувањата дека глобалната борба против маларијата во последниве години е опадната, при што бројот на случаи во земјите најсилно погодени од оваа болест е во пораст.

Докторот Тедрос Аданом Гебријесис, генералниот директор на СЗО, рече дека постигнувањето на Алжир и Аргентина „служи како модел за работа на другите земји за тоа како еднаш за секогаш да се искорени оваа болест“, пренесе Гардијан.

Алжир и Аргентина ги објавија нивните последни локално пренесени случаи на маларија во 2013 и 2010 година, што значи дека 38 земји и територии се сега ослободени од болеста.

Успехот на земјите во справувањето со маларијата се должи на подобрените напори во откривањето на болеста, како и бесплатна дијагноза и третман, велат од СЗО.

Алжир е втора држава во Африканскиот регион на СЗО која официјално е признаена како земја без маларија, по Маурициус, кој беше сертифициран во 1973 година.

Аргентина е втора земја во Америка која ја елиминираше болеста за 45 години, по Парагвај во јуни 2018 година.

Деликатна јазична авантура е ако се излезе од основното и утврдено значење на зборовите и се прејде во сферата на жаргонот и колоквијалноста.

повеќе

Плаќањето на вработените на час наместо месечно помага да се зголеми нивната плата со тоа што ќе се вреднува работното време поефикасно.

повеќе