Анкета на Си-ен-ен: Бајден победи на финалната дебата

Џо Бајден беше подобар на последната синоќешна дебата во пресрет на американските избори, според анкетата спроведена од страна на Си-ен-ен меѓу оние кои ја следеле дебатата.

Севкупно, 53% од гласачите кои ја следеле дебатата изјавиле дека Бајден победил во дуелот, додека 39% изјавиле дека тоа го сторил претседателот Доналд Трамп.

Гледачите уште еднаш рекоа дека критиките на Бајден кон Трамп биле претежно коректни (73% рекле дека биле фер, 26% нефер), а биле поделени околу тоа дали нападите на Трамп врз Бајден биле фер (50% одговориле да, 49% не).

Што се однесува до општиот впечаток за настапот на Трамп во дебатата, само 28% рекле дека сметаат дека актуелниот претседател победил на дебатата, а 67% како неправедна ја оцениле неговата критика кон Бајден.

Генерално, расправата немала големо влијание врз промените во впечатокот на кандидатите.

Поволните ставови кон Бајден пред дебатата изнесувале 55%, а во интервјуата по дебатата тие останале стабилни и изнесувале 56%. Исто така, впечатокот за Трамп останал стабилен, 42% изјавиле дека имаат поволен став за претседателот во интервјуата водени пред дебатата во четвртокот, а 41% го кажале истото и потоа.

Сепак, повеќе набљудувачи на дебатата изјавија дека настапот на Трамп покренал поголема загриженост за тоа како би се однесувал на претседателската функција (55%) отколку на Бајден (41%).

Повеќето Американци кои ја следеле дебатата го претпочитаат Трамп во однос на Бајден во економијата (56% сметаат дека Трамп подобро ќе се справи со тоа во споредба со 44% кои велат дека Бајден би бил подобар), а прилично подеднакво се поделени кога станува збор за надворешна политика (50% го претпочитаат Бајден, 48% Трамп).

Бајден се здоби со поголема предност пред Трамп кога станува збор за управување со коронавирусот (57% го претпочитаат Бајден, а 41% го претпочитаат Трамп), климатските промени (67% за Бајден, 29% за Трамп) и расна нееднаквост во САД (62% за Бајден , 35% за Трамп).

На Бајден исто така воглавно се гледало како да нуди подобар план за решавање на проблемите во земјата (54% за Бајден, 42% за Трамп), а гласачите биле поделени околу тоа кој е посилен лидер (по 49% за двајцата кандидати).

Иако вечерашната дебата била далеку помалку контроверзна од првата, луѓето биле значително понаклонети да го гледаат Бајден како оној кој директно одговора (62% изјавија дека тоа е Бајден и 31% Трамп).

Интересен е податокот и дека жените повеќе го навеле Бајден како победник во дебатата, 60% од жените изјавиле дека Бајден победил, 35% Трамп, додека меѓу мажите 47% одговориле дека Бајден победил, а 44% Трамп. Неодлучните гласачи исто така за победник во поголема мера го посочиле Бајден (55% Бајден, 36% Трамп).

Вкупната предност на Бајден во однос на Трамп во анкетата на Си-ен-ен по последната дебата од 53 проценти во однос на 39 проценти е само за еден процент бод поголема од победата на Хилари Клинтон над Трамп пред четири години, но сепак е втора по големина во анкетите на Си-ен-ен по завршните дебати.

Најголема е онаа на Барак Обама над Џон Мекејн по финалната дебата во 2008 година кога Обама имал 58 проценти наспроти 31 процент на Мекејн.

Си-ен-ен ја спроведе анкетата преку телефон по дебатата и вклучува интервјуа со 585 регистрирани гласачи кои ја следеле претседателската дебата.

Релевантните институции покажуваат неподготвеност да го спроведат долгоочекуваниот попис.

повеќе

Економската стратегија има за цел да се реализираат можностите на дигиталната трансформација, да се зајакне соработката во областа на климатските промени, енергетскиот сектор, човечкиот развој и безбедноста на храната.

повеќе

Во време кога турската лира е во историски пад, Турција мора да надмине бројни предизвици за целосно да закрепне од кризата.

повеќе