Американскиот Конгрес ќе се потруди Ердоган скапо да ја плати офанзивата во Сирија

Американскиот Конгрес ќе направи напори турскиот претседател Реџеп Таип Ердоган скапо да ја плати својата офанзива во Сирија против курдските сили, сојузниците на Вашингтон, предупреди денес влијателниот републикански сенатор Линдзи Греам.

„Молете се за нашите курдски сојузници кои срамно ги остави на цедило Трамповата администрација“, напиша тој на Твитер.

„Ќе вложам напори во Конгресот Ердоган тоа многу скапо да го плати“, додаде сенаторот кој обично го поддржува претседателот на САД Доналд Трамп.

Ердоган денес соопшти на Твитер дека почна турската воена операција во Сирија и напиша дека целта на операцијата е да се искорени „терористичката закана“.

Портпаролот на курдските сили Мустафа Бали кажа денес дека турски воени авиони почнале да напаѓаат „цивилни подрачја“ на северот на Сирија што предизвикало паника меѓу локалното население.

Патот за турската офанзива беше отворен кога претседателот на САД објави дека американската војска се повлекува од таа област.

Јавните медиумски сервиси треба да бидат столб на демократските општества и примарен извор на информации за сите граѓани.

повеќе

Отповикот или импичментот на претседателот Доналд Трамп од страна на Претставничкиот дом покажува дека членовите на Конгресот на САД прво се партијци, а потоа Американци.

повеќе

Најпрво, важно е да се напомене дека поседувањето на оф-шор компанија не е нелегално само по себе. Во суштина оф-шор земјите нудат низа поволности како што се исклучително поволни стапки на данок. Всушност, некои од нив имаат нула стапка на данок. 

повеќе