Се чека објавување на деталите

Американски војници дефинитивно ќе бидат распоредени во Полска

Полска се согласи со САД околу тоа каде на нејзината територија ќе бидат распоредени дополнителните американски трупи, изјави полскиот министер за одбрана Маријуш Блашчак.

„Спремни сме да ја објавиме информацијата за тоа каде војниците ќе бидат стационирани“, кажа Блашчак, не наведувајќи ја локацијата, пренесува Ројтерс.

Воениот договор меѓу Полска и САД требаше да биде финализиран за време на посетата на американскиот претседател Доналд Трамп, која беше откажана поради ураганот Доријан, но Балшчак кажа дека согласност околу некои прашања веќе е постигната.

Полската опозиција ја обвини владејачката Партија на правото и правдата дека сака да ја искористи посетата на Трамп како средство во кампањата за парламентарните избори закажани за 13 октомври.

Варшава во јуни потпиша договор за зголемување на американското присуство на својата територија.

Полска граничи со Русија на североистокот кај енклавата Калининград, каде Москва распореди напредни проектили „искандер“, кои можат да носат нуклеарни боеви глави.

Деликатна јазична авантура е ако се излезе од основното и утврдено значење на зборовите и се прејде во сферата на жаргонот и колоквијалноста.

повеќе

Плаќањето на вработените на час наместо месечно помага да се зголеми нивната плата со тоа што ќе се вреднува работното време поефикасно.

повеќе