Американски хотел нуди бесплатно сместување за оние што одат во други држави за абортус

Последниве неколку месеци државите во дел од САД донесоа нови закони со кои на жените им се отежна постапката на абортус, а некаде и целосно им се оневозможи, вели Си-ен-ен.

Затоа Шели О'Брајан, директорка на хотелот Јејл, кој се наоѓа во малото и истоимено гратче во Мичиген, на сите оние што заради оваа постапка патуваат надвор од државите што воведоа таков закон им нуди да дојдат во Мичиген и бесплатно да престојуваат во нејзиниот хотел.

„Драги сестри од Алабама, Охајо, Џорџија, Арканзас, Мисури или од која било друга држава што ги применува законите со кои се ограничува можноста за абортус, знам дека не можеме да направиме ништо за кон вас да се постапува подобро во вашата држава“, напиша О'Брајан.

„Но ако успеете да стигнете до Мичиген, ние ви нудиме неколку бесплатни ноќевања и превоз до и од амбулантата“, додаде таа.

„Жените треба да имаат автономија над своите тела. Ако го немаме тоа, тогаш не живееме во слободен свет“.

Последниве неколку месеци Алабама речиси целосно го забрани абортусот, додека другите сојузни држави, вклучувајќи ги и Џорџија, Луизијана, Мисисипи и Охајо, донесоа нови закони за забрана на абортусот по откривањето на фетално чукање на срцето, што е, всушност, многу рано во бременоста и многу жени во тоа време сè уште не знаат дека се бремени.

Македонските граѓани конечно го гледаат крајот на илузијата што им се продава од осамостопјувањето до денес.

повеќе

Министерот за финансии не треба да е кум, баџанак, шура, братучед или самиот тој, бидејќи треба да даде отпор на честите политички, но не и економски барања на членовите на владата.

повеќе

Зрелоста на еден народ е да препознае кога протестите за замена му ги продаваат како протести за промена. 

повеќе