Американски функционер за санкции кај Дачиќ поради српската набавка на руско оружје

Разговорот беше коректен и добар, нема да има санкции, изјави денес во Белград шефот на српската дипломатија Ивица Дачиќ по состанокот со високиот функционер на американскиот Стејт департмент Томас Зарзецки, задолжен за примената на санкции кон рускиот безбедносен сектор, компаниите и државите кои имаат воена соработка со Русија.

Србија сака отворен однос и нема никаква намера да влегува во конфликт со Соединетите Американски Држави, кажа Дачиќ, наведувајќи дека тоа е клучната порака која му ја пренел на Зарзецки.

Американскиот функциоер, според Дачиќ, „бил задоволен“ од тоа што го слушнал во разговорот бидејќи, како што изјави српскиот министер за надворешни работи, Србија „нема што да крие“.

Како што се наведува во официјалното соопштение на српското министерство за надворешни работи, „целта на посетата на Томас Зарзецки е запознавање на надлежните ресори на владата на Република Србија со најважните елементи на законот за спротивставување на американските противници преку санкции, а „особено членот 231 кој се однесува на можноста од воведување санкции од САД на поединци и компании кои имаат деловна соработка со безбедносниот и разузнавачкиот сектор на Руската Федерација“.

Медиумите во регионот ја најавија денешната посета на Зарзецки како потенцијален проблем кој Србија би можела да го има поради набавката на руското оружје, а веста се појави откако беше објавено дека Србија од Русја набавува ракетен систем „панцир“, комбиниран систем со краток до среден дострел со проектили земја-воздух и противвоздушна артилерија.

Поентата на глобализмот е максимално економско вмрежување во десетици економски сојузи на секоја држава.

повеќе

Социјалниот маркетинг веднаш би можел ефективно да придонесе во напорите против нееколошкото однесување во нашата земја.

повеќе

Античкиот грчки филозоф Хераклитус, кој живеел пред Сократ, Платон и Аристотел, е авторот на често користената поговорка „панта реи“ (Panta rei), односно, во превод, поедноставено: ,„сѐ тече, сѐ се менува, ништо не останува исто, нема апсолутна вистина и единствена реалност е повеќегодишно движење“.

повеќе