Му се заканува доживотна робија

Американски дипломат во Мексико 14 години дрогирал и силувал жени (ВИДЕО)

Поранешен службеник на американската амбасада во Мексико ја призна вината за дрогирање и сексуално злоставување на најмалку 23 жени во текот на последната деценија, јавува Њујорк пост.

EPA-EFE

Брајан Џефри Рејмонд ја призна вината по обвиненијата за сексуално злоставување и дистрибуција на порнографски материјал, се наведува во соопштение на американското министерство за правда.

45-годишноот Рејмонд го напуштил Мексико откако една жена била најдена гола и како вика на помош од неговата тераса на 31 мај 2020 година, се наведува во судските документи. Таа кажала дека не се сеќава на настанот по консумирањето пијалак и храна кои ѝ ги донел, пренесува Њујорк пост.

Во текот на истрагата која следела „агенти нашле стотици фотографии и видео-снимки кои прикажуваат повеќе од 20 онесвестени и голи или делумно голи жени на мобилните телефони на Рејмонд, на неговиот клауд и други електронски уреди“, се наведува во соопштението.

Тој материјалите почнал да ги собира од 2006 година и продолжил сè до мај 2020 година.

„Раката на Рејмонд се гледа на фотографиите и видео-снимките, како и на устите, очите, рацете и нозете на неговите жртви. Се гледа и како Рејмонд лежи во кревет со жените кои се онесвестени и ги допира“, се наведува.

„Жените за време на престојот со Рејмонд имале губење на памтењето и не знаеле за фотографиите, снимките и физичкиот контакт“, се наведува во соопштението.

ФБИ утврдило дека Рејмонд на интернет пребарувал сајтови поврзани со ефекти на користење лекови и дрога со алкохол.

Во договорот за признавање на вината, Рејмонд признал дека имал сексуални односи со две жртви во својата резиденција во Мексико Сити. Истакнал дека жртвите не биле во состојба да му дадат согласност.

Рејмонд дистрибуирал 479 слики и снимки од 20 онесвестени жени во САД, каде се обидел да го избрише материјалот од своите уреди и интернет профили додека траела истрагата.

Му се заканува максимална казна доживотен затвор, парична казна од 250.000 долари, а минималната казна затвор е 5 години.

„Брајан Рејомнд ја изневери довербата која му беше дадена како службеник на американската влада кој ги претставува САД во странство, откако повеќе години малтретирал, експлоатирал и снимал жени кои ги целел во САД и други делови од светот“, наведе американското јавно обвинителство.

Легенда под Главна слика

EPA-EFE

Размислуваме како можеме да ја заштедиме и заштитиме водата, но само додека немаме вода!

повеќе

Во последните 30 години сите политички партии, независно од тоа колку демократски се претставуваат во своите програми, на државата гледаат како на инструмент, што е пак првиот сигнал, чекор кон авторитарност.

повеќе

Ако денес направиме една историска книжевна паралела, драмското дело на Стефановски ќе го квалификуваме како антологиски бисер, кого и сегашните и идните генерации ќе го чуваат како неодминлив столб на целокупната македонска драмска литература.

повеќе