Американската војска соопшти дека убила лидер на Ал каеда во Сирија

Лидерот на Ал каеда Абдул Хамид ал Матар е убиен со дрон во Сирија, соопшти американската војска два дена по напад на база во Сирија, која ја користи антиџихадистичката коалиција предводена од САД.

Илустрација: ЕПА

„Отстранувањето на овој висок лидер на Ал Каеда ќе ја наруши способноста на терористичката организација да планира и изведува напади со кои им се закануваат на американските граѓани, нашите партнери и невините цивили“, изјави во петокот портпаролот на Централната команда на американската армија (ЦЕНТКОМ), мајор Џон Ригсби.

Нападот со беспилотно летало е извршен два дена по нападот на американска база во јужна Сирија, но Ригсби во писмената изјава не кажа дали нападот со беспилотното летало бил извршен како одмазда, пренесува Ројтерс.

Нападот е извршен во регионот Солук, на северот на Сирија, кој е под надзор на Турција, пишува агенцијата АФП.

„Не утврдивме дали има цивилни жртви во нападот изведен со дронот ем-кју 9“, се вели во соопштението.

Ал Каеда продолжува да им се заканува на Соединетите Држави и нивните сојузници и „ја користи Сирија како база за повлекување за да се прегрупираат и координираат со своите ограноци и да планираат операции во странство“, рече Ригсби.

Кон крајот на септември, Пентагон елиминираше „уште еден висок лидер на Ал Каеда“ во Сирија, Салим Абу-Ахмад, за кој рече дека е одговорен за „планирање, финансирање и одобрување трансрегионални напади“ извршени од организацијата.

Околу 900 американски војници се распоредени во североисточна Сирија и соработуваат со Демократските сириски сили (ФДС) и во базата Ал Танф на југ во близина на Ирак и Јордан.

Легенда под Главна слика

Илустрација: ЕПА

Првичната реакција на голем број држави кога се појави новата варијанта на ковид-19 вирусот за забрана на патувањето од Јужна Африка и од соседните држави, иако истиот веќе се има проширено, е очајна мерка. Всушност, државите можеби се и подобро подготвени отколку што мислат за што и да следи.

повеќе

Со неколку геополитички шаховски потези, Кина докажа дека не секогаш оружјето и војните се единствениот начин за глобална доминација.

повеќе

Македонија може да ги задоволи потребите од електрична енергија ако на површина од 160 км2 постави соларни панели, а инвестицијата за тоа е 2,4 милијарди евра.

повеќе