Не требало да бидат објавени

Американската војска потврди дека објавените снимки со НЛО се автентични (ВИДЕО)

Американската воена морнарица ја потврди автентичноста на снимките кои прикажуваат неидентификувани летечки објекти, но истовремено соопшти дека нема сознанија за тоа за какви објекти станува збор.

„Објектите забележани на трите воени снимки се класифицирани во неидентификувани летечки објекти“, потврди за Си-ен-ен Џо Градишер, портпаролот на американската воена морнарица. Снимките, иако биле декласифицирани, не било одобрено нивно објавување.

На снимките кои меѓу декември 2017 и март 2018 ги објави организацијата Старс академи оф артс енд сајенсис се забележуваат брзи и подвижни објекти кои се снимени со инфрацрвени сензори, а на видео материјалот од 2004 се гледа како сензорите следеле неидентификуван објект кој во еден момент свртел со неверојатна брзина.

„Долга низа години нашите пилоти не ги пријавуваа забележивањата на неидентификуваните воздушни објекти (unidentified aerial phenomena, UAP), главно поради стигмата поврзана за претходната терминологија и теории“, изјави Градишер.

Претставник на воената морнарица на САД изјави за Си-ен-ен дека не верува дека станува збор за вонземјани.

„Во последните неколку години забележани се неколку извештаи за неовластени и/или неидентификувани летечки објекти кои се нашле во воено контролиран воздушен простор“, се наведува во соопштението на морнарицата.

Воената морнарица на САД смета дека таквите „упади“ во воздушниот простор претставуваат безбедносен ризик.

„Поради наведените безбедносни причини морнарицата и военото воздухопловство на САД сериозно ги разгледуваат и истражуваат овие извештаи“, се истакнува во соопштението.

Ајде од понеделник да се посветиме сериозно на „носење на Европа" во нашата држава.

повеќе

Улогите на „добар и лош полицаец“ ќе ги играат кон нас уште долго, доколку не сфатиме дека со итроманска политика не се може подалеку од Табановце до Богородица.

повеќе

Неделава, владите на ЕУ повторно решија да го одложат започнувањето на преговорите за пристапување со земјите кандидати Албанија и Северна Македонија, што претставува историска грешка - бидејќи безбедноста и стабилноста на Унијата зависат од трансформацијата на југоистокот.

повеќе