Американска демонстрација на сила кај Северна Кореја, испратија дури три носачи на авиони (ВИДЕО)

Првпат во три децении три американски носачи на авиони пловат заедно во борбена формација – и тоа во западниот Пацифик.

Борбената формација која ја сочинуваат носачите на авиони УСС Роналд Реган, УСС Теодор Рузвелт и УСС Нимиц, заедно со придружните бродови во нивните борбени групи, учествува во поморска воена вежба која трае четири дена.

Во вежбата учествуваат и силите на американскиот сојузник Јапонија, и тоа со носачот на хеликоптери Исе и два разурнувачи. „Трите супер-носачи кои во моментов пловат во Јапонското Море носат повеќе од 200 воени авиони, што е повеќе од воздухопловните сили на многу земји“, извести репортерот на Би-би-си кој за време на вежбата го посети УСС Реган.

Бидејќи вежбата се изведува во близина на Корејскиот Полуостров, а е во исто време со посетата на американскиот претседател Доналд Трамп на источна Азија, може да се заклучи дека служи како дополнително покажување на воената моќ на САД во обид да се заплаши и заузда Пјонгјанг, кој упорно продолжува со својата нуклеарна програма чија крајна цел е развивање капацитети за нуклеарен напад врз САД.

Вежбите од вакви размери служат како потсетник за противниците дека САД можат брзо да мобилизираат голема сила. Северна Кореја се наоѓа под многу остри санкции кои едногласно ги изгласа Советот за безбедност на ОН, а Трамп во неколку наврати буквално му се закани на Пјонгјанг со целосно воено уништување, алудирајќи на можен превентивен нуклеарен напад врз таа земја.

Република Македонија треба да понуди законска можност за реализација на правото на приватен и семеен живот за истополовите партнери.

повеќе

Умре Милена Дравиќ. Да живеевме во некое друго време, во некоја друга земја, таа вест ќе се прикажеше на екраните на југословенските телевизии, како што ни се прикажа веста за смртта на Тито.

повеќе

Во кичестиот амбиент на магичното Скопје, каде што се изградени огромни споменици на Александровите фалангисти, а знамето на НАТО се вее пред зградата на Генералштабот, во градот поделен на македонски и на албански дел, лебди Бизмарковата геополитичка визија: оној што ја контролира долината на реката Вардар, станува господар на Балканот.

повеќе