Американците испратија „смртоносно оружје“ во Украина, велат дека ова е само прва пратка

Првата пратка од американскиот пакет за безбедносна поддршка на Украина во вредност од 200 милиони долари пристигна во Киев, соопшти денеска американската амбасада.

Фото: Твитер

Испораката следи по посетата на американскиот државен секретар Антони Блинкен на Киев оваа недела поради загриженоста на Киев и неговите западни сојузници поради десетиците илјади руски војници на границата со Украина. Русија негира дека планира нова воена офанзива.

Пакетот помош од 200 милиони долари беше одобрен од Вашингтон во декември. „САД ќе продолжат да обезбедуваат таква помош за поддршка на украинските вооружени сили во постојаните напори да го одбранат суверенитетот и територијалниот интегритет на Украина од руската агресија“, стои на Фејсбук.

Во соопштението се наведува дека пратката содржи „смртоносна безбедносна помош и муниција наменета за украинските бранители“. Украинскиот министер за одбрана им се заблагодари на САД за помошта.

„Како што претседателот Бајден му кажа на претседателот Путин, во случај на руска инвазија на Украина, Америка ќе ѝ пружи помош на Украина и ќе ѝ испрати уште повеќе одбранбени средства“, се вели во соопштението на американската амбасада во Киев.

Украинскиот претседател Володимир Зеленски вчера на твит напиша дека му е благодарен на американскиот претседател Џо Бајден за „досега невидената“ дипломатска и воена помош.

Легенда под Главна слика

Фото: Твитер

За пишувањата на Хари Костов за проблемите на државата – ако компетентен човек зборува за нефункционирањето на правната држава, кое има директен одраз врз економијата, не може тоа да се заврши со охридскиот уличен жаргон.

повеќе

Колку и да сакаме Украинците да добијат целосна правда, на ерата на славни војни, несомнени победи и чисти порази ѝ дојде крајот. 

повеќе

Македонскиот народ мора да ја заштити автокефалноста на својата Македонска православна црква - Охридска архиепископија, како еден од носечките елементи на неговиот идентитет, од сите загрозувања од Фанар, од СПЦ и другите меѓународни црковни и други чинители. Време е за нов Македонски црковно-народен собир, како во 1945 година.

повеќе