Америка повторно на нозе – убиено црно момче, толпата тргна кон полициска станица (ФОТО+ВИДЕО)

Америка е повторно на нозе. Само 15 километри од местото каде што беше убиен Џорџ Флојд, полицијата вчера повторно уби момче од афроамериканско потекло.

EPA-EFE

Тој, како што пренесува Ројтерс, бил сопрен поради прекршок во возење, но интервенцијата на полицијата завршила со негово убиство. Во тек се протести пред зградата на полицијата во Минеаполис.

Гневните демонстранти се судрија со полицијата, која била приморана да употреби гумени куршуми и солзавец.

Демонстрантите извикувале „Правда за Џорџ Флојд“ и оштетиле две полициски возила.

Момчето е идентификувано како Донти Рајт, а имал само 20 години.

Во претходно соопштение на полицијата е наведено дека младиот Донти Рајт бил рутински сопрел додека управувал автомобил, и за време на проверката било утврдено дека по него е распишана потерница и тој, по обидот за апсење, седнал во својот автомобил обидувајќи се да избега, кога еден од полицајците пукал во него.

Момчето сепак избегало, но во близина на местото на инцидентот удрил во друг автомобил и умрел, пренесува Ројтерс.

Протестите поради полициското насилство врз Афроамериканците не престануваат, а нивна кулминација беше убиството на Флојд во Минеаполис, кое се случи на 15-тина километри од најновото полициско убиство.

Флојд беше практично задушен при апсењето, кога полицаец клечеше со колено на неговиот врат и го задуши. Во тек е судскиот процес против полицаецот Дерек Човин кој го уби Флојд.

Легенда под Главна слика

EPA-EFE

Не треба толку да се грижиме за тоа дали се искачуваме на табелата, туку повеќе треба да внимаваме на тоа дали навистина се справуваме, истражуваме и ги гониме оние кои се занимаваат со корупција.

повеќе

Потребно е да се провери дали имало наредба за следење врз Камчев.

повеќе

Во чест на Меѓународниот ден на трудот, вреди да се разгледа состојбата со работничките права во државата, да се направи краток осврт на изминатата година и да се согледа што може да се направи за да се насочат работите кон подобро.

повеќе