Америка го стега обрачот: „Северен тек 2“ останува без осигурување

Швајцарската компанија за осигурување Цирих иншуранс груп ќе престане да ја осигурува изградбата на гасоводот „Северен тек 2“ поради заканата со американски санкции, јави Блумберг повикувајќи се на неименувани извори.

EPA-EFE

САД во декември 2019 година воведоа санкции против гасоводот, поради што швајцарската компанија Олсиз беше принудена да сопре со поставувањето цевки.

Како што наведуваат изворите на Блумберг, компанијата може да потпадне под нови американски санкции против претпријатијата кои пружаат услуги за осигурување и техничка сертификација за изградбата на гасоводот.

Осигурителната компанија не ги коментираше можните санкции против „Северен тек 2“. Компанијата претходно соопшти дека има „сеопфатен систем на регулаторна усогласеност и дека е труди целосно да се придржува до сите важечки правила на санкциите“, истакнувајќи дека не ги коментира односите со конкретните клиенти.

Проектот „Северен тек 2“ подразбира изградба на два крака на гасоводот, чиј вкупен капацитет ќе изнесува 55 милијарди кубни метри гас годишно, од брегот на Русија, преку Балтичкото Море, до Германија. Во изградбата учествуваат бројни европски компании.

Против изградбата на гасоводот „Северен тек 2“ активно се бори Украина, која се плаши дека ќе ги загуби приходите од транзитот на рускиот гас, како и Полска, Летонија и Литванија, како и Соединетите Американски Држави, кои сакаат да ѝ го продаваат својот поскап течен гас на Европа.

Легенда под Главна слика

EPA-EFE

Богатите држави мораат веднаш да донираат вакцини против ковид-19 на загрозените држави. 

повеќе

Можеби ни треба регистар на погрешни перцепции на граѓаните за криминалот и корупцијата во државата.

повеќе

Младите бараат подобар живот надвор од државата, бидејќи доаѓаат до заклучок дека приватните компании и странските организации им пружаат поголема поддршка и повеќе ги вреднуваат отколку сопствената држава.

повеќе