Америка ги пофали талибанците по евакуацискиот лет: „Професионални и флексибилни“

Соединетите Американски Држави ги поздравија денес, како „прв позитивен чекор“, „соработката и флексибилноста“ на талибанците при првиот евакуациски лет по американското повлекување од Авганистан, за време на превозот на Американци од Кабул.

EPA-EFE

„Талибанците соработуваа во овозможувањето на заминувањето на американските државјани и лицата со постојан престој во САД, на чартер летови од Кабул“, наведе Белата куќа во соопштение. „Беа флексибилни и професионални во договорите. Тоа е првиот позитивен чекор“, се наведува.

На прашање на конференција за медиумите, портпаролката на Белата куќа одби да ги прецизира бројот на Американците на тој лет и кажа дека Вашингтон сè уште ги нема сите информации.

Владата процени дека уште стотина Американци се во Авганистан кои сакаат да заминат од земјата по големиот воздушен мост на американската војска во август, откако талибанците ја преземаа власта. Во операцијата за евакуација за петнаесет дена 123.000 луѓе го напуштија Авганистан.

„Активно работевме и тој лет е резултат на дипломатски напори“, оцени Белата куќа додека администрацијата на претседателот Џо Бајден ја обвинуваат дека ги оставила Американците на милост на талибанците и дека се согласува на условите на новите исламистички лидери во Кабул.

„Ќе ги продолжиме напорите за олеснување на безбедното заминување на американските граѓани и лицата со постојан легален престој во САД, и Авганистанците кои работеа за нас и кои сакаат да заминат“, од Авганистан, најави Белата куќа.

Легенда под Главна слика

EPA-EFE

Јазикот е многу повеќе од структура на една реченица или граматика, јазикот е нашата историја, нашите обичаи и нашето наследство...

повеќе

Овој отпад, освен тоа што ја загадува животната средина, исто така предизвикува дефекти во машините, ги оштетува контејнерите и го спречува транспортот на друг отпад.

повеќе

Нема простор за двоумење и губење време, затоа Македонија и Бугарија треба да соработуваат што е можно поскоро за да најдат јасен јазик за разбирање, во процес кој би бил следен од ЕУ, Вашингтон и ОН.

повеќе