Лидерот на движењето Самоопределување, кое победи на неодамнешните избори на Косово, во својата канцеларија и понатаму го има само албанското знаме и не го прифаќа официјалното знаме на Косово.
Во канцеларијата тој прима гости, одржува состаноци за кои информациите подоцна ги објавува на официјалните профили на партијата на социјалните мрежи, но американскиот и германскиот амбасадор одбиле да се фотографираат со Курти во канцеларијата во која се гледа националното албанско знаме.
Kryetari i Lëvizjes VETËVENDOSJE!, @albinkurti, së bashku me nënkryetarin Besnik Bislimi, sot priti në takim Ambasadorin e ShBA-së në #Kosovë, shkëlqesinë e tij, z.Philip S. Kosnett, shoqëruar nga këshilltarja politike, znj.Jessica Long dhe zyrtarja politike, znj.Mia Ter Har. pic.twitter.com/RS5w9lvzlX
— Lëvizja VETËVENDOSJE (@LVetevendosje) October 8, 2019
Курти, чија партија победи на вонредните избори кои се одржаа во неделата, се сретна во понеделникот со американскиот амбасадор на Косово, Филип Коснет. Она што е впечатливо е што фотографијата е направена надвор од канцелариските простории каде што не се гледа албанското знаме.
Истото нешто се случило и со германскиот амбасадор на Косово Кристијан Хелт, на која се гледа Курти како го испраќа германскиот амбасадор на скалите пред седиштето на Самоопределување по состанокот.
