Амбасадата на САД бара итно продолжување на нафтените операции во Либија

Американската амбасада во Либија апелираше веднаш да се обноват нафтените операции во таа земја блокирани од саботата од страна на силите на генералот Калифа Хафтар.

„Операциите на либиската Национална нафтена компанија треба веднаш повторно да почнат“, објави американската амбасада на Твитер.

Таа истакна длабока загриженост по прекинот на извозот и производството на повеќето нафтени полиња.

Прекинот на операциите може да ја „влоши хуманитарната ситуација во Либија и да нанесе нови непотребни маки на либискиот народ“, соопшти амбасадата на САД.

Силите лојални на генералот Хафтар во саботата ги блокираа главните нафтени терминали на истокот на Либија, непосредно пред меѓународниот самит во Берлин во неделата на кој беше повикано да прекине странското мешање и да почне мировниот процес во земјата.

Извозот е прекинат во пристаништата во таканаречената нафтена полумесечина, главна за либиската економија – Брега, Рас Лануф, Ал Седра, Ал Харига и Зуитина.

Либиската нафтена компанија во понеделникот соопшти дека капацитетот за чување на нафтата во тие пристаништа е ограничен и дека ќе мора целосно да го прекине производството на сирова нафта што се достигне максималниот капацитет.

Компанијата укажа и на прекинот на производството во двете големи нафтени полиња на југозападот на земјата.

Со новите блокади нафтените операции се речиси сопрени во земјата.

Државната нафтена компанија укажа на пад на производството од 1,2 милиони барели дневно, додека земјата просечно произведуваше по 1,3 милиони барели дневно.

Вашингтон силно се противи на блокадата на извозот на либиската нафта затоа што тоа предизвика пораст на светските цени на нафтата.

Оваа парафраза на големиот Иво Андриќ, нобеловец и водечко книжевно име на Балканот, за малку ќе го погодеше лично него.

повеќе

Десензитивизацијата на Американците кон вртоглаво зголемениот број на жртви во пандемијата ја оправдува познатата опсервација на Јосеф Сталин: „Една смрт е трагедија; еден милион е статистика “. 

повеќе

Практичната имплементација на владината стратегија „едно општество за сите“, која на хартија има добри намери, е засенета од неуспешната борба против корупцијата и организираниот криминал.

повеќе